| e-texts navigator |
| Wylie |
234b1 ལྤགས་སོ། ། དེ་དག་གིས་ཀྱང་བཅོམ་ལྡན་འདས་ལ་མཆོད་པའི་བཀོད་པ་སྔ་མ་གང་ཡིན་པ་དེ་མོག་མོག་པོ་བྱེད་ཅིང་། མི་མངོན་པར་བྱེད་པ་དེ་ལྟ་བུའི་མཆོད་པ་བྱས་སོ།། དེ་བཞིན་དུ་བཅོམ་ལྡན།།
234b2 འདས་དེ་བཞིན་གཤེགས་པ་བཟོད་དཀའ་སངས་རྒྱས་ཀྱི་ཞིང་འཇིག་རྟེན་གྱི་ཁམས་འོད་གཟེར་ཅན་ནས་ཀྱང་། བྱང་ཆུབ་སེམས་དཔའ་འོད་ཀྱི་ཏོག་དང་། འོད་ཀྱི་དཔལ་གཉིས་འོངས་སོ།། །
234b3 བཅོམ་ལྡན་འདས་དེ་བཞིན་གཤེགས་པ་མི་འཁྲུགས་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་མངོན་དགའ་ནས་ཀྱང་། བྱང་ཆུབ་སེམས་དཔའ་སྤོས་ཀྱི་གླང་པོ་དང་།། གླང་ཆེན་སྤོས
234b4 ཀྱི་གླང་པོ་གཉིས་འོངས་སོ། ། བཅོམ་ལྡན་འདས་དེ་བཞིན་གཤེགས་པ་ཉི་ཟླའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་རྣམ་པར་སྣང་བྱེད་ནས་ཀྱང་། བྱང་ཆུབ་སེམས་དཔའ་སེང་གེ་དང་།
234b5 སེང་གེའི་བློ་གྲོས་གཉིས་འོངས་སོ།། བཅོམ་ལྡན་འདས་དེ་བཞིན་གཤེགས་པ་སྤྱན་བཟངས་ཀྱི་སངས་རྒྱས་ཀྱི་ཞིང་འཇིག་རྟེན་གྱི་ཁམས་མིག་མི་འཛུམ་པ་ནས་ཀྱང་། བྱང་ཆུབ་སེམས་དཔའི
234b6 ཁ་ལོ་སྒྱུར་བ་དང་། ཆོས་ཐམས་ཅད་ལ་དབང་བྱེད་པ་གཉིས་འོངས་སོ།། བཅོམ་ལྡན་འདས་དེ་བཞིན་གཤེགས་པ་ཀུན་ཏུ་སྣང་བའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་སྣང་བ་ཅན་ནས
234b7 ཀྱང་བྱང་ཆུབ་སེམས་དཔའི་རིན་ཆེན་དཀྱིལ་འཁོར་ཅན་དང་། རིན་ཆེན་ཏ་ལ་ལ་གཉིས་འོངས་སོ།། བཅོམ་ལྡན་འདས་དེ་བཞིན་གཤེགས་པ་རིན་ཆེན་དཔལ་གྱི་སངས་རྒྱས་ཀྱི་ཞིང་འཇིག་རྟེན་གྱི
iiif viewer powered by OpenSeadragon
