| e-texts navigator |
| Wylie |
234a1 ཀླུའི་བུ་མོ་བྱེ་བ་ཕྲག་ཅུ་ནི་ནམ་མཁའི་དཀྱིལ་ན་འཁོད་དེ། རོ་སྟོང་ཁེབས་པའི་མུ་ཏིག་གི་འཕྲེང་བ་དག་འཕྱང་བར་བྱེད་དོ།། མི་འམ་ཅི་བྱེ་བ་ཕྲག་དྲུག་ཅུ་ནི་བཅོམ
234a2 ལྡན་འདས་ལ་ཚིགས་སུ་བཅད་པ་བརྗོད་པས་སྟོད་པར་བྱེད་དོ། ། དྲི་ཟ་བྱེ་བ་ཕྲག་དྲུག་ཅུ་ནི་བཅོམ་ལྡན་འདས་ཀྱི་སྤྱན་སྔ་ན། མེ་ཏོག་གྱི་འཕྲེང་བ་རྣམས་འབྱང་བར་བྱེད་དོ།། ལྷ་མ་ཡིན
234a3 བྱེ་བ་ཕྲག་དྲུག་ཅུ་ནི་རས་བཅོས་བུ་ཁ་དོག་སྣ་ཚོགས་སྟོང་གིས། བཅོམ་ལྡན་འདས་ལ་འགེབས་པར་བྱེད་དོ།། ཀླུའི་རྒྱལ་པོ་མ་དྲོས་པ་ཡང་འཁོར་བྱེ་བ་ཕྲག་རྒྱ་དང་ནམ་མཁའི་དཀྱིལ་ན་འཁོད
234a4 དེམེ་ཏོག་དང་། སྤོས་དང་། ཕྱེ་མ་དང་། བྱུག་པ་དང་། གོས་དང་། གདུགས་དང་། རྒྱལ་མཚན་དང་། བ་དན་ཐམས་ཅད་དང་། སིལ་སྙན་དང་། གླུ་དབྱངས་དང་།
234a5 ཕེག་རྡོབ་པ་དང་། ལྷའི་བཀོད་པ་ཐམས་ཅད་ཀྱིས་བཅོམ་ལྡན་འདས་ལ་མཆོད་པར་བྱེད་དེ། དེ་ལ་སོགས་པ་ཀླུའི་རྒྱལ་པོ་དྲུག་ཁྲི་བཅོམ་ལྡན་འདས་ལ་མཆོད་པའི་ལས་བྱེད་པ་ལ་ཞུགས་སོ།།
234a6 དེ་བཞིན་གཤེགས་པ་ཚེ་དཔག་ཏུ་མེད་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་ནས་ཀྱང་། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས
234a7 དཔའ་མཐུ་ཆེན་ཐོབ་དང་། བྱང་ཆུབ་སེམས་དཔའི་འཁོར་མང་པོ་བྱེ་བ་ཁྲག་ཁྲི་ཕྲག་འབུམ་ཀླུའི་རྒྱལ་པོ་རྒྱ་མཚོ་དགའ་བར་བྱ་བ་དང་། བཅོམ་ལྡན་འདས་ལ་མཆོད་པའི་ལས་བྱ་བའི་ཕྱིར
iiif viewer powered by OpenSeadragon
