| e-texts navigator |
| Wylie |
233b1 བལྟ་བར་འདོད་པའི་ཕྱིར། བཅོམ་ལྡན་འདས་ཀྱི་ཕྱི་བཞིན་འབྲང་ངོ་།། དེ་ནས་བཅོམ་ལྡན་འདས་བྱང་ཆུབ་སེམས་དཔའ་རྣམས་དང་། ཉན་ཐོས་ཆེན་པོ་རྣམས་དང་། ངརྒྱ་བྱིན
233b2 དང་ཚངས་པ་དང་། འཇིག་རྟེན་སྐྱོང་བ་ལ་སོགས་པ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན
233b3 པོ་རྣམས་དང་། མི་དང་མི་མ་ཡིན་པ་རྣམས། དགའ་བའི་ཚལ་ལྟར་ཉམས་དགའ་བའི་ཙམ་པ་ཀའི་ཚལ་ནས་ཡངས་ཏེ། ཀླུའི་རྒྱལ་པོ་རྒྱ་མཚོས་ཐེམ་སྐས་ཀྱི་རིམ་པ་བཤམས་པ་ག་ལ་བ་དེར
233b4 དོང་སྟེ་ལྷགས་ནས། ཐེམ་སྐས་དབུས་མ་ལ་ནི་བཅོམ་ལྡན་འདས་བཞུགས་སོ།། གཡས་རོལ་ན་ནི་བྱང་ཆུབ་སེམས་དཔའ་རྣམས་འཁོད་དོ།། གཡོན་རོལ་ན་ནི་ཉན་ཐོས་ཆེན་པོ་རྣམས་འཁོད
233b5 དོ། ། མདུན་ལོགས་ན་ནི་བརྒྱ་བྱིན་བྱེ་བ་ཕྲག་དྲུག་ཅུ་ལག་པ་གཡས་པས་ལམ་མཚོན་པར་བྱེད་དོ།། ཚངས་པ་བྱེ་བ་དྲུག་ཅུ་ནི་ནམ་མཁའི་དཀྱིལ་ན་འཁོད་དེ། བཅོམ་ལྡན་འདས་ལ་རིན་པོ་ཆེའི
233b6 གདུགས་རྣམས་འཛིན་ཏོ། ། ལྷ་བྱེ་བ་ཕྲག་དྲུག་ཅུ་ནི་བཅོམ་ལྡན་འདས་ཀྱི་སྣམ་ལོགས་ན་འཁོད་དེ། མེ་ཏོག་གི་ཆར་འབེབས་སོ།། འདོད་པ་ན་སྤྱོད་པའི་ལྷའི་བུ་རྣམས་ནི། བཅོམ་ལྡན
233b7 འདས་ལ་མཆོད་པའི་ལས་བྱ་བའི་ཕྱིར། སིལ་སྙན་བྱེ་བ་ཕྲག་དྲག་ཅ་དཀོལ་བར་བྱེད་།། ལྔའི་བ་མོ་བེ་པ་ཕྲག་དྲག་ཅ་ནི་བཅོམ་ལྡན་འདས་ཀྱི་ཤུལ་སྤོས་ཆུའི་ཆག་ཆག་འདེབས་སོ།།
iiif viewer powered by OpenSeadragon
