| e-texts navigator |
| Wylie |
233a1 འདས་རྒྱ་མཚོ་ཆེན་པོར་གཤེགས་པར་བྱ་གོར་མ་ཆག་སྙམ་མོ། ། དེ་ནས་ཀླུའི་རྒྱལ་པོ་རྒྱ་མཚོས་རྒྱ་མཚོ་ཆེན་པོའི་འགྲམ་ནས།། རང་གི་གནས་ཀྱི་བར་དུ་ཐེམ
233a2 སྐས་ཀྱི་རིམ་པ་གསུམ་བཤམས་ཏེ། གཅིག་ནི་གསེར་ལས་བྱས། གཅིག་ནི་བཻ་ཌཱུཪྻ་ལས་བྱས། གཅིག་ནི་མུ་ཏིག་དམར་པོ་ལས་བྱས་ཏེ། རིན་པོ་ཆེ་ཐམས་ཅད་ཀྱིས་སྤྲས་པ། བཀྲ་བ།
233a3 བལྟ་ན་སྡུག་པ་དག་བཤམས་སོ།། དེ་ནས་བཅོམ་ལྡན་འདས་ཀྱིས་ཅི་ནས་རྒྱ་མཚོ་ཆེན་པོའི་ཆུའི་ཕུང་པོ་སུས་ཀྱང་མིག་གིས་མི་མཐོང་བ་དང་། སུས་ཀྱང་སེམས་ཅན་དག་ལ
233a4 གནོད་པར་མི་འགྱུར་བ་དེ་ལྟ་བུའི་བྱིན་གྱིས་བརླབས་ཀྱིས་བྱིན་གྱིས་བརླབས་སོ། ། བཅོམ་ལྡན་འདས་ཀྱི་སྐུ་ལས་ཀྱང་འོད་གང་གིས་རྒྱ་མཚོ་ཆེན་པོ་སྣང་བར་གྱུར་ནས། སྟོང་གསུམ་གྱི་སྟོང
233a5 ཆེན་པོའི་འཇིག་རྟེན་གྱི་ཁམས་སྣང་བར་འགྱུར་བ་དེ་ལྟ་བུའི་འོད་འགྱེད་པར་མཛད་དོ། ། རྒྱ་མཚོ་ཆེན་པོ་ན་སེམས་ཅན་གནས་པ་གང་ཡིན་པ་དེ་དག་ཀྱང་འོད་དེས་རེག་པ་ཙམ་གྱིས། བྱམས་པའི
233a6 སེམས་དང་། ཕན་པའི་སེམས་དང་། མཉེན་པའི་སེམས་དང་། བདེ་བའི་སེམས་སུ་གྱུར་ཏེ། ཕྱིན་ཆད་སུ་ཡང་ཕན་ཚུན་རྣམ་པར་འཚེ་བ་མེད་ཅིང་གནོད་པ་བྱེད་པ་མེད་དེ།། དེ་དག་ཐམས
233a7 ཅད་ཅིག་ལ་གཅིག་ཕ་མར་འདུ་ཤེས་པར་གྱུར་ཏོ། ། འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་རྣམས་ཀྱང་། ཆོས་མཉན་པ་དང་། ཀླུའི་རྒྱལ་པོ་རྒྱ་མཚོའི་གནས་ཀྱི་བཀོད་པ
iiif viewer powered by OpenSeadragon
