| e-texts navigator |
| Wylie |
232a1 ལམ་མཁྱེན་ལམ་ལ་མཁས་ཤིང་ངན་པའི་ལམ་སྲང་ངན་པ་སྤངས།། བྱང་ཆུབ་ཡན་ལག་དབང་སྟོབས་བདེན་པ་བནི་སྟོན་པ།། ཡང་དག་སྤོང་དང་རྫུ་འཕྲུལ་བཞི་དང་དྲན
232a2 དང་ལྡན། ། ཐམས་ཅད་ཟིལ་གནོན་ཡོན་ཏན་མངའ་བ་གདུགས་ཚོད་བབ།། སུམ་ཅུ་རྩ་གཉིས་མཚན་མངའ་བསོད་ནམས་འཚལ་རྣམས་བསོད་ནམས་ཞིང་ཆེན་བཅོམ་ལྡན་འདས།། མཆོད་སྦྱིན
232a3 དམ་པ་བཞེས་པའི་འོས་ལགས་ཡོན་གྱི་གནས། ། བྱམས་ལ་དགྱེས་པ་གདུགས་ཚོད་བབ་ཀྱིས་གཤེགས་སུ་གསོལ།། ལྷུན་པོ་འདྲ་ཞིང་ས་དང་མཚུངས་ལ་སྦྱོར་བ་སྙོམས།། བྱམས་སྡང
232a4 མི་མངའ་ནམ་མཁའི་ངོ་བོ་ཉིད་དང་མཚུངས། ། མི་ཡི་དབང་པོ་ཁེངས་པ་མི་མངའ་དམན་མི་མངའ།། སྟོང་དང་རྣམ་པར་ཐར་ལ་དགྱེས་པ་གདུགས་ཚོད་པ་བ།། ཀུན་མཁྱེན་ཀུན་ལ་མཁས་པ
232a5 དུས་དང་ཆོ་ག་མཁྱེན། ཆོས་རྣམས་འབྱེད་ལ་མཁས་པ་རྟག་ཏུ་དུས་བཞིན་སྟོན།། སེམས་ཅན་བསམ་པ་རབ་མཁྱེན་དོན་རིག་མཁྱེན་པར་ལྡན།། ཆོས་ཀྱི་ངོ་བོ་ཉིད་མཁྱེན་གདུགས་ཚོད་དུས
232a6 ལ་བང་། ། དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་རྒྱ་མཚོས་གདུགས་ཚོད་ཕབ་པ་དེ་ཐུགས་སུ་ཆུད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་ཀླུའི་རྒྱལ
232a7 པོ་རྒྱ་མཚོས་གདུགས་ཚོད་ཕབ་ཀྱིས་ལྷུང་བཟེད་དང་ཆོས་གོས་ལོང་ལ་སེམས་ཅན་ཡོངས་སུ་སྨིན་པར་བྱ་བ་དང་། ཀླུའི་རྒྱལ་པོ་རྒྱ་མཚོའི་གནས་སུ་ཡོངས་སུ་ལོངས་སྤྱད་པའི་ཕྱིར། རྒྱ་མཚོ་ཆེན་པོར
iiif viewer powered by OpenSeadragon
