| e-texts navigator |
| Wylie |
231b1 ཡང་ཇི་ལྟར་འཚལ་བ་བཞིན་དུ་བཤམས་སོ། ། རོ་བརྒྱས་བསྒོས་པའི་ཞལ་ཟས་དག་ཀྱང་བཤམས་ཏེ། ཐམས་ཅད་ལེགས་པར་ཟིན་པར་རིགས་ནས། བུ་དང་། གཉེན་འདབ་དང་།།
231b2 འཁོར་དང་བཅས་ཏེ། རིའི་རྒྱལ་པོ་རི་རབ་ཀྱི་པང་རིམ་ལ་འཁོད་ནས། བཅོམ་ལྡན་འདས་ལ་གདུགས་ཚོད་དབབ་པའི་ཚོགས་སུ་བཅད་པ་འདི་དག་གསོལ་ཏོ།། ཆོས་ཀྱི་དབང་ཕྱུག
231b3 ཡེ་ཤེས་རྒྱ་ཆེན་ཁྱད་པར་བརྙེས། ། ཡེ་ཤེས་འབྱུང་གནས་མཁའ་འདྲ་ཡེ་ཤེས་མཐའ་ཡས་པ། འཇིག་རྟེན་འདས་པ་སྤྱན་ཡངས་དག་པའི་སྤྱན་དང་ལྡན། ཕན་པ་མཛད་པ་གདུགས
231b4 ཚོད་བབ་ཀྱི་གཤེགས་སུ་གསོལ། ཚངས་པའི་གསུང་དང་རྣམ་པར་དག་ལྡན་དབྱངས་སྙན་པ།། ཀ་ལ་བིངྒ་རྔ་སྒྲ་བདུད་རྩིའི་དོན་སྟོན་པ།། སྨན་པའི་མཆོག་སྟེ་ཉོན་མོངས་སྣ་ཚོགས
231b5 མུན་སེལ་བ། ། སེམས་ཅན་རིན་ཆེན་གདུགས་ཚོར་བབ་ཀྱིས་གཤེགས་སུ་གསོལ།། ཞི་ཞིང་ར་བ་ཞི་ཐུགས་མངའ་རྟག་ཏུ་ཞི་བར་སྤྱོད།། རྒྱལ་བ་གྲོལ་བ་ལྷ་དང་མི་རྣམས་རབ་གྲོལ
231b6 མཛད། ཆུ་བོ་བཞི་ལས་བརྒལ་བ་འགྲོ་བ་སྒྲོལ་བ་པོ།། ཕ་རོལ་གཤེགས་པ་བདེ་སྦྱིན་གདུགས་ཚོད་དུས་ལ་བབ།། སྦྱིན་དུ་ལ་ཡང་དག་སྡོམ་དགྱེས་ཚུལ་ཁྲིམས་ཡོངས་སུ་དག། བཟོད་པའི
231b7 སྟོབས་དང་ལྡན་ཞིང་བརྩོན་འགྲུས་ཆེན་པོ་བརྙེས། ། བསམ་གཏན་རྣམ་ཐར་དགྱེས་པ་ཤེས་རབ་ཡོངས་སུ་རྫོགས།། ཞལ་རས་ཟླ་འདྲ་གདུགས་ཚོད་བབ་ཀྱིས་གཤེགས་སུ་གསོལ།
iiif viewer powered by OpenSeadragon
