| e-texts navigator |
| Wylie |
231a1 པ་ལ་མཆོད་པ་དང་། བསྙེན་བཀུར་བགྱི་ཡིས་རྒྱ་མཚོ་ཆེན་པོར་བདག་གི་གནས་སུ་སྤྱོན་ཅིག་ཅེས་གྱིས་ཤིག། དེ་ནས་ཀླུའི་རྒྱལ་པོ་རྒྱ་མཚོས་ཇི་སྐད་བསྒོ་བ
231a2 བཞིན་དུ་ཀླུའི་ཤུགས་དྲག། ཀླུའི་རྒྱལ་པོ་དགའ་བོ་དང་། ཉེ་དགའ་གཉིས་དང་། ལྷ་རྣམས་ཀྱི་དབང་པོ་བརྒྱ་བྱིན་གྱི་ཐད་དུ་སོང་ནས། ཇི་སྐད་བསྒོ་བ་བཞིན་དུ་བོས་སོ།། དེ་ནས
231a3 ཀླུའི་རྒྱལ་པོ་རྒྱ་མཚོ་ས་རང་གི་གནས་སུ་འཁོར་གྱི་ཁྱམས་བཀོད་པ། བཻ་རཱུཪྻ་སྔོན་པོ་དག་པ་དང་། འཛམ་བུ་ཆུ་བོའི་གསེར་ལས་བྱས་པ་བཤམས་ཏེ། རིན་པོ་ཆེ་དུ་མས་ནི་སྤྲས་རིན་པོ
231a4 ཆེའི་དྲ་བས་ནི་ཁེབས་པར་བྱས། དྲིལ་བུ་གཡེར་ཀའི་དྲ་བ་ནི་དཔྱངས། དར་གྱི་ལྡ་ལྡིང་མང་པོ་ནི་བཏགས་བླ་རེ་ནི་བྲེས། རྒྱལ་མཚན་དང་བ་དན་ནི་བསྒྲེང་། རྒྱ་མཚོའི་སྤོས་ཀྱི་མཆོག
231a5 གིས་ནི་བདུགས། མེ་ཏོག་སྣ་ཚོགས་ནི་བཀྲམ་སྟེ། འཁོར་གྱི་ཁྱམས་ཡངས་ཤིང་རྒྱ་ཆེ་བ་དེའི་ནང་དུ། བཅོམ་ལྡན་འདས་ཀྱི་སེང་གེའི་ཁྲི་འཕང་དུ་དཔག་ཚད་བཅུ་གཉིས་པ། རིན་པོ་ཆེ
231a6 ཐམས་ཅད་ཀྱིས་སྤྲས་པ། ལྷ་རྫས་ཀྱི་རས་བཅོས་བུ་རྣམ་པ་སྣ་ཚོགས་དུ་མ་མང་པོ་བཏིང་བ། བླ་རེ་བྲེས་པ། རིན་པོ་ཆེ་སྣ་བདུན་གྱི་སྟེགས་བུས་བསྐོར་བ། རིན་པོ་ཆེའི་དྲ་བས་ཁེབས་པ།
231a7 དྲིལ་བུ་གཡེར་ཀའི་དྲ་བ་དབྱངས་པ། དར་གྱི་ལྔ་ལྡི་བཏགས་པས་བརྒྱན་པ། རྣམ་པ་ཐམས་ཅད་ཀྱི་མཆོག་དང་ལྡན་པ་ཞིག་བཤམས་སོ།། དགེ་སློང་གི་དགེ་འདུན་ཐམས་ཅད་ཀྱི་གདན
iiif viewer powered by OpenSeadragon
