| e-texts navigator |
| Wylie |
230b1 ཕྱེ་བ་ལགས་ཀྱིས། བདག་གི་གནས་སུ་སྤྱོན་ཅིག། དེ་ནས་ཀླུའི་རྒྱལ་པོ་རྒྱ་མཚོས། ཀླུའི་རྒྱལ་པོ་འཇོག་པོ་དང་། ཁ་དོག་མཐའ་ཡས་པ་དང་། དྲི་མ་མེད་པ་དང་། འོད་ཅན
230b2 དང་། རྣམ་པར་རྩེ་བ་དང་། བཀོད་པ་དང་། ལག་ན་རྡོ་རྗེ་དང་། བརྗོད་བྱ་དང་། ཁ་དོག་ཐམས་ཅད་སྟོན་པ་དང་། ཙན་དན་གྱི་རྣམ་པ་དང་། དེ་ལ་སོགས་པའི་ཀླུའི་རྒྱལ་པོ་འབུམ་ཕྲག
230b3 དུ་མ་ལ་སྨྲས་པ། གྲོགས་པོ་དག་ཁྱེད་ཅག་ཐམས་ཅད་ཀྱང་དེ་བཞིན་གཤེགས་པ་ལ་བལྟ་བ་དང་། ཕྱག་བྱ་བ་དང་བསྙེན་བཀུར་བྱ་བའི་ཕྱིར། བདག་གི་གནས་སུ་སྤྱོན་ཅིག།
230b4 དེ་ནས་ཀླུའི་རྒྱལ་པོ་རྒྱ་མཚོས་གཞོན་ནུ་དཔལ་གྱི་གཟི་བརྗིད་ལ་བསྒོ་བ། བཞིན་བཟངས་ཁྱོད་སོང་ལ་ཀླུའི་རྒྱལ་པོ་མ་དྲོས་པའི་རྐང་པ་ལ་མགོ་བོས་ཕྱག་ཚོལ་ལ། ངའི་འཕྲིན་འདི་སྐད
230b5 གྱིས་ཤིག། བདག་གི་ཕའི་མཆིད་ནས། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་བཤོས་གསོལ་གྱིས། རྒྱ་མཚོ་ཆེན་པོར་སྤྱོན་ཅིག། ཅེས་བགྱིས་ཤིག། ལེགས་སོ།
230b6 ཞེས་བྱས་ཏེ། མཉན་ནས་ཇི་སྐད་བསྒོ་བ་བཞིན་དུ། ཀླུའི་རྒྱལ་པོ་རྒྱ་མཚོའི་བུ་དཔལ་གྱི་གཟི་བརྗིད་ཀྱིས་བྱས་སོ།། དེ་ནས་ཀླུའི་རྒྱལ་པོ་རྒྱ་མཚོས། ཀླུའི་རྒྱལ་པོ་ཤུགས་དྲག
230b7 ལ་སྨྲས་པ། ཤུགས་དྲག་ཁྱོད་སོང་ལ། རི་རབ་ཀྱི་སྟེང་དུ་སོང་སྟེ། ཀླུའི་རྒྱལ་པོ་དགའ་བོ་དང་། ཉེ་དགའ་གཉིས་ཀྱང་བོས་ཤིག། ལྷ་རྣམས་ཀྱི་དབང་པོ་བརྒྱ་བྱིན་ལ་ཡང་དེ་བཞིན་གཤེགས
iiif viewer powered by OpenSeadragon
