| e-texts navigator |
| Wylie |
230a1 ཐུགས་བརྩེ་བ་དང་། སེམས་ཅན་ཚད་མེད་པ་དག་གིས་དགེ་བའི་རྩ་བ་འཕེལ་བར་བྱ་བའི་ཕྱིར་གནང་ངོ་།། དེ་ནས་ཀླུའི་རྒྱལ་པོ་རྒྱ་མཚོ་བཅོམ་ལྡན་འདས
230a2 ཀྱིས་གནང་བར་རིག་ནས། ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་ཡིད་བདེ་བ་སྐྱེས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ལན་བདུན
230a3 དུ་བསྐོར་བ་བྱས་ཏེ། དཔུང་དང་བཅས། འཁོར་དང་བཅས་པར་བཅོམ་ལྡན་འདས་ཀྱི་ཐད་ནས་མི་སྣང་བར་གྱུར་ཏེ། རྒྱ་མཚོ་ཆེན་པོའི་ནང་དུ་ཕྱིར་སོང་ངོ་།། དེ་ནས་དེར་སྐྱེ་བོའི
230a4 ཚོགས་འདུས་པ་ཐམས་ཅད་ལ་འདི་སྐད་ཅེས་སྨྲས་སོ། ། བདག་གིས་དེ་བཞིན་གཤེགས་པ་སང་གདུགས་ཚོད་གསོལ་བར་སྤྱན་དྲངས་ཏེ། དེས་ཀྱང་བདག་ལ་ཐུགས་བརྩེ་བའི་ཕྱིར་གནང
230a5 གིས་དེར་ཁྱེད་ཀུན་གྱི་ཀྱང་ལྷན་ཅིག་ཏུ་འཐུན་པ་དང་། ཡང་དག་པར་དགའ་བ་དང་། དེ་བཞིན་གཤེགས་པ་ལ་མཆོད་པ་དང་། བསྙེན་བཀུར་ལ་བརྩོན་པ་གྱིས་ཤིག
230a6 དེ་ནས་ཀླུའི་རྒྱལ་པོ་རྒྱ་མཚོས། ། ལྷ་མ་ཡིན་གྱི་དབང་པོ་སྒྲ་གཅན་དང་། ལྷ་མ་ཡིན་གྱི་དབང་པོ་བདེ་མཆོག་དང་། སིམ་བྱེད་དང་ཐག་བཟངས་རིས་ལ་སྨྲས་པ། གྲོགས་པོ་དག་ཤེས་པར
230a7 གྱིས་ཤིག། དེ་བཞིན་གཤེགས་པ་རྒྱ་མཚོ་ཆེན་པོ་འདིར་གཤེགས་ཀྱིས། དེར་ཁྱེད་འཁོར་དང་བཅས་པ་ཐམས་ཅད་བཅོམ་ལྡན་འདས་ལ་མཆོད་པའི་ལས་བྱ་བའི་ཕྱིར་བདག་གིས་སྐབས
iiif viewer powered by OpenSeadragon
