| e-texts navigator |
| Wylie |
227a1 མཉམ་སྙོམས་པ། ། ཐུགས་ནི་རི་བོ་ལྟ་བུར་མི་གཡོ་བ།། བཅོམ་ལྡན་འཛུམ་པའི་དོན་འདིར་བཀའ་སྩལ་གསོལ།། བཅོམ་ལྡན་ཚངས་པའི་སྒྲ་སྐད་སྒྲོགས་པ་པོ།། མི
227a2 འམ་ཅི་དང་ཀ་ལ་བིང་ཀ་དང་། རྔ་སྒྲ་ལྟ་བུར་སྙན་ཅིང་དགའ་བ་དང་། མཉེན་པོར་གསུངས་པ་འཛུམ་པའི་ཐབས་གསུངས་ཤིག། འདྲེན་པ་ཐོགས་པ་མེད་པའི་བློ་མངའ་བ།། དུས་གསུམ་འགྲོ
227a3 བའི་སྤྱོད་དང་མོས་པ་དང་། ། དབང་པོ་རྣམས་ཀྱང་རབ་ཏུ་མཁྱེན་པ་པོ།། ཅི་ཡི་སླད་དུ་འཛུམ་པ་སྟོན་པར་མཛད།། བཅོམ་ལྡན་སྨན་པའི་རྒྱལ་པོ་མི་རྣམས་དང་།། ལྷ་ཀླུ་རྣམས་ཀྱི་ནད་ནི་ཞི་མཛད།
227a4 པ། བཅོམ་ལྡན་གཏན་དུ་བདེ་བ་སྟོན་པ་པོ།། ཅི་ཡི་སླད་དུ་འཛུམ་པ་སྟོན་པར་མཛད།། ཡོན་ཏན་མངའ་བ་བདག་ལ་བཀའ་སྩོལ་ཅིག། ལྷ་དང་མི་རྣམས་ཁྲག་ཁྲིག་ཉན་ཅིང་མཆིས། ཐོས།།
227a5 ན་ཡིད་ནི་རབ་ཏུ་དགའ་འགྱུར་ཞིང་།། ཐམས་ཅད་མཁྱེན་པའི་དགོངས་པ་བགྱིད་པར་འགྱུར།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད
227a6 ཅེས་བཀའ་སྩལ་ཏོ། ། ཀུན་དགའ་བོ་ཁྱོད་ཀྱིས་ཀླུའི་རྒྱལ་པོའི་བུ་དཔལ་གྱི་གཟི་བརྗིད་ངའི་མདུན་ན་འདུག་ནས། ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས
227a7 བསྐྱེད་པ་འདི་མཐོང་ངམ། གསོལ་པ། བཅོམ་ལྡན་འདས་མཐོང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དཔལ་གྱི་གཟི་བརྗིད་འདི་ནི།། བསྐལ་པ་གྲངས
iiif viewer powered by OpenSeadragon
