| e-texts navigator |
| Wylie |
224b1 བཀའ་སྩལ་པ། ཀླུའི་བདག་པོ་གང་དག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས། ཚུལ་ཁྲིམས་དག་པ་ཡོངས་སུ་རྫོགས་པར་མ་བྱས་ཏེ། ཆོ་ག་ཉམས་པ་དང་། འཚོ་བ་ཉམས
224b2 པ་དང་། ཚུལ་ཁྲིམས་ཉམས་པ་ནི་ཡོངས་སུ་རྫོགས་པར་མ་བྱས་ལ། དེ་དག་གི་ལྟ་བ་ཡང་དྲང་པོར་གྱུར་ཏེ། དེས་ན་སེམས་ཅན་དམྱལ་བ་རྣམས་སུ་མི་སྐྱེའི།། ཤི་འཕོས་ནས་ཀླུའི་སྐྱེ་གནས
224b3 རྣམས་སུ་སྐྱེ་བར་འགྱུར་ཏེ། ཀླུའི་བདག་པོ་དེ་བཞིན་གཤེགས་པ་འཁོར་བ་འཇིག་གི་གསུང་རབ་ལས་ནི་སྲོག་ཆགས་ཁྱིམ་པ་དང་། རབ་ཏུ་བྱུང་བ་བྱེ་བ་ཕྲག་དགུ་བཅུ་རྩ་བརྒྱད་ཆོ་ག་དང་། འཚོ
224b4 བ་དང་། ཚུལ་ཁྲིམས་ཉམས་ཏེ་ཤི་འཕོས་ནས་ཀླུའི་སྐྱེ་གནས་རྣམས་སུ་སྐྱེས་སོ།། དེ་བཞིན་གཤེགས་པ་གསེར་ཐུབ་ཀྱི་གསུང་ར་བ་ལས་ནི། སྲོག་ཆགས་ཁྱིམ་པ་དང་། རབ་ཏུ་བྱུང་བ
224b5 བྱེ་བ་ཕྲག་དྲུག་ཅུ་རྩ་བཞི་རབ་ཏུ་བྱུང་བ་ལས་ཚུལ་ཁྲིམས་འཆལ་པར་གྱུར་པས་ཤི་འཕོས་ཏེ། ཀླུའི་སྐྱེ་གནས་རྣམས་སུ་སྐྱེས་སོ།། དེ་བཞིན་གཤེགས་པ་འོད་སྲུངས་ཀྱི་གསུང་རབ་ལས་ན།
224b6 སྲོགས་ཆགས་ཁྱིམ་པ་དང་། རབ་ཏུ་བྱུང་བ་བྱེ་ཕྲག་བརྒྱད་ཅུ་ཆོ་ག་དང་། འཚོ་བ་དང་། ཚུལ་ཁྲིམས་ཉམས་ཏེ་ཤི་འཕོས་ནས། ཀླུའི་སྐྱེ་གནས་རྣམས་སུ་སྐྱེས་སོ།། ཀླུའི་བདག་པོ་ད་ལྟར
224b7 ངའི་གསུང་རབ་འདི་ལས་ནི། སྲོག་ཆགས་ཁྱིམ་པ་དང་། རབ་ཏུ་བྱུང་བ་བྱེ་བ་ཕྲག་དགུ་བཅུ་རྩ་དགུ་རབ་ཏུ་བྱུང་བ་ལས། རྩོད་པ་སྣ་ཚོགས་དང་། འཐབ་པ་སྣ་ཚོགས་དང་། འདུ་འཛི
iiif viewer powered by OpenSeadragon
