| e-texts navigator |
| Wylie |
223a1 སེམས་ཅན་འདུལ་གཟུངས་ཡིད་དང་དྲན་པ་ལ།། ཞུགས་པར་གྱུར་ན་ཆོས་ཤེས་ཞུགས་པ་སྟེ།། ཐོས་པ་གང་ཡིན་ནམས་ཀྱང་ཆུད་མི་ཟ།། ཇི་སྐད་ཐོས་པ་མཚུངས་པར་རིལ།
223a2 གྱིས་འཛིན།། གཟུངས་ནི་ཆོས་ཉིད་འགལ་བ་མ་ཡིན་ལ།། དེ་ནི་ཆོས་ལ་ཞི་བའང་མ་ཡིན་ཏེ།། ཆོས་དང་ཤིན་ཏུ་མི་མཚུངས་མི་མཉམ་མཉམ།། ཆོས་ཉིད་སྦྱོར་དང་ལྡན་ཕྱིར་བཟོད་ནས་ཞི།།
223a3 མི་ཟད་པའི་ཟ་མ་ཏོག་གི་གཟུངས་ཀྱི་སྦྱོར་བ་འདི་བསྟན་པ་དང་། ཚིགས་སུ་བཅད་པ་མངོན་པར་བསྒྲུབ་པ་འདི་བསྟན་པ་ན། ཀླུའི་རྒྱལ་པོ་རྒྱ་མཚོའི་འཁོར་གྱི་ནང་ནས། ཀླུ་ཁྲི་ཉེས་སྟོང་གིས་བླ་ན
223a4 མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། དེ་དག་གིས་ཚིག་འདི་སྐད་དུ། བཅོམ་ལྡན་འདས་པདག་ཅག་ཀྱང་མ་འོངས་པའི་དུས་ན། མི་ཟད་པའི་ཟ་མ་ཏོག་གི་གཟུངས
223a5 འདི་ཐོབ་ནས། ཇི་ལྟར་ད་ལྟར་ན་དེ་བཞིན་གཤེགས་པ་ཆོས་སྟོན་པ་དེ་ཁོ་ན་བཞིན་དུ། སེམས་ཅན་ཐམས་ཅད་ལ་ཆོས་སྟོན་པར་གྱུར་ཅིག་ཅེས་ཀྱང་སྨྲས་སོ།། མི་ཟད་པའི་ཟ་མ་ཏོག་གི་གཟུངས་ཀྱི
223a6 ཕན་ཡོན་གྱི་ལེའུ་སྟེ་བཞི་པའོ། ། །། བམ་པོ་བཞི་པ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ།། བཅོམ
223a7 ལྡན་འདས་ཀླུའི་སྐྱེ་གནས་སུ་སྐྱེས་པ་དག་ཀྱང་། འདི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱིད་ལ། འདི་ན་མིར་གྱུར་པ་ཁ་ཅིག་ནི། བྱང་ཆུབ་ཏུ་སེམས
iiif viewer powered by OpenSeadragon
