| e-texts navigator |
| Wylie |
221b1 ཀུན་གྱི་ཕ་རོལ་ཕྱིན། འགྲོ་བའི་སྐད་དང་སྒྲ་ཡང་རབ་ཏུ་ཤེས།། འགྲོ་བའི་སེམས་དང་སྤྱོད་པ་ངན་པ་དང་། བཟང་དང་འབྲིང་གི་རྒྱུ་བ་གང་ཡིན་ཤེས།། སྤྱོད་དང་སེམས་ཀྱི་རྒྱུད་རྣམས་ཤེས་ནས
221b2 ཀྱང་། ། ཇི་ལྟར་འཚམ་པར་ཆོས་ཀྱི་ཚིག་རྣམས་སྟོན།། གང་ཚེ་དེ་ནི་གཟུངས་ལ་རབ་མཁས་ན།། དེ་ནི་རྒྱུ་དང་བྱེད་དང་རྐྱེན་ལ་མཁས།། རྟག་དང་ཆད་པར་ལྟ་བར་མི་འགྱུར་ཏེ། མཐར་འཛིན།
221b3 ཐམས་ཅད་རྣམ་པར་སྤངས་པ་ཡིན།། གང་ཚེ་དེ་ཡིས་གཟུངས་ནི་ཐོབ་གྱུར་ན། ཡི་གེ་དང་ནི་ཚིག་རྣམས་འབྱེད་ལ་མཁས།། སྐད་རྣམས་མང་པོ་དུ་མ་ཐ་དད་ཤེས།། དོན་དང་ཡི་གེ་ལ་ཡང་མཁས
221b4 པར་འགྱུར། ། དེ་ཡི་ལྷ་ཡི་མིག་ཀྱང་དྲི་མེད་འགྱུར།། དེ་ཡི་ལྷ་ཡི་རྣ་བའང་རྣམ་པར་དག། ཤེས་རབ་མཐའ་ཡས་ཕ་རོལ་སེམས་ལ་མཁས།། འདས་པ་དང་ནི་མ་འོངས་བསྐལ་པ་དྲན།།
221b5 དེ་བཞིན་རྫུ་འཕྲུལ་རྐང་པ་ཐོབ་གྱུར་ནས།། ཞིང་རྣམས་བྱེ་བ་མཐའ་ཡས་སྐད་ཅིག་འགྲོ།། འཇིག་རྟེན་འདྲེན་རྣམས་ལ་ནི་མཆོད་པ་བྱེད།། དེ་བཞིན་གཟུངས་ལ་ཐོས་པས་ཆོས་ཀྱང་འཛིན།།
221b6 བདུད་རྣམས་འབུམ་ཕྲག་ཇི་སྙེད་ཡོད་པ་ཡིས།། དེ་ཡིས་འགྲོ་བའི་ཡུལ་རྣམས་མི་ཤེས་ལ། མུན་བསལ་སེམས་ཅན་དག་པ་ཉོན་མོངས་མེད། མདོ་སྡེ་སྟོང་ཕྲག་ཚད་མེད་སྟོན་པར་བྱེད།།
221b7 ཆུ་ཡི་ནང་ན་པདྨ་མ་གོས་བཞིན།། དེ་ནི་འཇིག་རྟེན་ཆོས་རྣམས་གོས་མེད་སྤྱོད།། རྗེས་ཆགས་ཁོང་ཁྲོ་རྣམས་ལས་རྟག་ཏུ་གྲོལ།། འཇིག་རྟེན་ཀུན་ལ་སེམས་ནི་མཁའ་ལྟར་སྙོམས།། མཚན་གྱི་དམ
iiif viewer powered by OpenSeadragon
