| e-texts navigator |
| Wylie |
219a1 བའི་ནང་དུ་མཆོངས། མི་ཅིག་ཤོས་ནི་བདག་རྩཝ་དང་སོག་མའི་གོ་ཆ་བགོས་ནས། མེ་འབར་བའི་ནང་དུ་མཆོངས་ན། བློ་གྲོས་རྒྱ་མཚོ་འདི་ཇི་སྙམ་དུ་སེམས། མི་དེ་གཉིས
219a2 ལས་གང་ཚིག་པར་འགྱུར། གང་ཚིག་པར་མི་འགྱུར། གསོལ་པ། བཅོམ་ལྡན་འདས་མི་གང་རྡོ་རྗེའི་གོ་ཆ་འཚལ་ནས་ཞུགས་འབར་བའི་ནང་དུ་མཆོངས་པ་དེ་ནི། རྡོ་རྗེའི་གོ་ཆ་དེས་ཡོངས་སུ
219a3 བསྲུངས་པས། ཞུགས་ཀྱི་ནང་དུ་མཆིས་ཀྱང་མི་ཚིག་གོ།། བཅོམ་ལྡན་འདས་མི་གང་རྩཝ་དང་སོག་མའི་གོ་ཆ་འཚལ་ནས་ཞུགས་འབར་བའི་ནང་དུ་མཆོངས་པ་དེ་ནི། དེར་མཆོངས་མ་ཐག་ཏུ
219a4 ཚིག་པར་འགྱུར་རོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་རན་དང་སོག་མ་ནི་འཚིག་པའི་བདག་ཉིད་ལགས་ཏེ། ཞུགས་ཀྱི་འཚོག་པ་བསྲུང་མི་བཟོད་དོ།། བཅོམ་ལྡན་འདས་ཀྱིས
219a5 བཀའ་སྩལ་པ། བློ་གྲོས་རྒྱ་མཚོ་ཇི་ལྟར་རྡོ་རྗེའི་གོ་ཆ་བགོས་པའི་མི་དེ་མེའི་ནང་དུ་སོང་ཡང་མི་འཚིག་པ་དེ་བཞིན་དུ། བྱང་ཆུབ་སེམས་དཔའ་བྱམས་པ་ཆེན་པོ་དང་། སྙིང་རྗེའི་གོ་ཆ་དང་། ལྷག།
219a6 པའི་བསམ་པ་སྲ་བའི་རྡོ་རྗེའི་གོ་ཆ་བགོས་ནས། སེམས་ཅན་རབ་ཏུ་ཐར་པར་བྱ་བར་དམིགས་པ་ལ་གནས་ཏེ། ཆོས་ཐམས་ཅད་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་།
219a7 མངོན་པར་འདུ་མི་བྱེད་པ་དང་། མ་སྐྱེས་པ་དང་། མ་བྱུང་བ་རྟོག་པ་ཡང་བཏང་ལ། ཞི་བའི་ཏིང་ངེ་འཛིན་དེ་ལ་ཡང་སྙོམས་པར་འཇུག་ཅིང་། ཉན་ཐོས་དང་། རང་སངས་རྒྱས་ཀྱི་ངེས
iiif viewer powered by OpenSeadragon
