| e-texts navigator |
| Wylie |
218a1 དེ་ཚོད་མ་ཐག་ཏུ་གང་ཡོ་བ་དང་། གང་དུ་ཕྱོགས་པ་དེར་འགྱེལ་ལོ།། བློ་གྲོས་རྒྱ་མཚོ་དེ་བཞིན་དུ་བྱང་ཆུབ་སེམས་དཔའ་ཡང་རྒྱུན་རིང་པོ་ནས། ཐམས་ཅད་མཁྱེན་པ་ཉིད།
218a2 ལ་གཞོལ། ཐམས་ཅད་མཁྱེན་པ་ཉིད་ལ་འབབ་པས། དགེ་བའི་རྩ་བ་ཐམས་ཅད་སོགས་ཏེ། བསགས་ནས་ཀྱང་ཐམས་ཅད་མཁྱེན་པ་ཉིད་དུ་ཡོངས་སུ་སྔོ་བར་བྱེད། སེམས་ཅན་ཐམས་ཅད
218a3 ཡོངས་སུ་བསྐྱབ་པའི་ཕྱིར། ཡོངས་སུ་སྔོ་བར་བྱེད། དཀོན་མཆོག་གསུམ་གྱི་རིགས་མི་འཆད་པར་བྱ་བའི་ཕྱིར། ཡོངས་སུ་སྔོ་བར་བྱེད། ལུས་ཀྱི་རྐྱེན་དང་། མཚན་དང་། དཔེ་བྱད་བཟང་པོ
218a4 ཡོངས་སུ་རྫོགས་པར་བྱ་བའི་ཕྱིར་ཡོངས་སུ་སྔོ་བར་བྱེད། ཚིག་གི་རྒྱན་དང་། ཆོས་བསྟན་པ་དོན་ཡོད་པར་བྱ་བའི་ཕྱིར། ཡོངས་སུ་སྔོ་བར་བྱེད། སེམས་ཀྱི་རྒྱན་དང་། སངས་རྒྱས་རྗེས་སུ་དྲན
218a5 པའི་ཏིང་ངེ་འཛིན་ལས་མི་གཡོ་བར་བྱ་བའི་ཕྱིར་ཡོངས་སུ་སྔོ་བར་བྱེད་དེ། དེ་སྒྲིམ་པ་མེད་ཅིང་ལྷུན་གྱིས་གྲུབ་པར་དགེ་བའི་རྩ་བ་ཐམས་ཅད་མཁྱེན་པ་ཉིད་དུ་ཡོངས་སུ་སྔོའོ།། སྔོན་ཐབས་ལ
218a6 མཁས་པས་ཡོངས་སུ་བསྔོས་པ་དེས་ཐེག་པ་གཞན་དུ་མི་ལྷུང་ཞིང་མཉམ་པར་གཞག་ཀྱང་རུང་། ལངས་ཀྱང་རུང་སྟེ། བརྒྱ་ལམ་ན་ཡང་བྱང་ཆུབ་ཀྱི་ཕྱོགས་ཀྱི་ཆོས་རྣམས་བསྒོམ་པ་ཡོངས་སུ
218a7 རྫོགས་པར་མི་འགྱུར་མི་སྲིད་དོ། ། བློ་གྲོས་རྒྱ་མཚོ་འདི་ལྟ་སྟེ། དཔེར་ན། དགེ་སློང་འགོག་པ་ལ་སྙོམས་པར་འཇུག་པའི་ཚེ། གཎ་ཌའི་སྒྲ་ལ་གནས་པར་བྱས་ཏེ་སྙོམས་པར
iiif viewer powered by OpenSeadragon
