| e-texts navigator |
| Wylie |
215b1 ནས་ཁྱིམ་མེད་པར་རབ་ཏུ་བྱུང་ངོ་། ། རབ་ཏུ་བྱུང་བ་དེ་ཐོས་ནས། རྒྱལ་པོའི་བུ་དེ་དག་ཐམས་ཅད་ཀྱང་རབ་ཏུ་བྱུང་ངོ་།། དེ་དག་ཀྱང་རབ་ཏུ་བྱུང་བར་ཤེས་ནས། ཡུལ་གྱི་མི་དང་འཁོར
215b2 དྲུག་འབུམ་རབ་ཏུ་བྱུང་ངོ་། ། རྒྱལ་པོའི་བཙུན་མོའི་ནང་ནས་ཀྱང་བཙུན་མོ་དམ་པ་བཞི་རབ་ཏུ་བྱུང་སྟེ། ཀླུའི་བདག་པོ་དེ་ལྟར་ན་དག་པའི་སེམས་ཅན་དགེ་བའི་རྩ་བ་བསྐྱེད་པ། ཡོངས
215b3 སུ་སྦྱང་བ་བྱས་པ་རྣམས་ཀྱི་གནས་སུ་གྱུར་པའི་གསུང་རབ་དེ་དགའ་དགའ་ལྟར་འདུག་པར་གྱུར་ཏོ། ། ཀླུའི་བདག་པོ་དེའི་ཚེ་དེའི་དུས་ན། འཁོར་ལོས་སྒྱུར་བའི་རྒྱལ་པོ་བསོད་ནམས
215b4 མི་ཟད་པ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉི་འམ། ཡིད་གཉིས་སམ། ཐེ་ཙོམ་ཟ་བར་གྱུར་ན། དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། ཀླུའི་བདག་པོ་དེའི་ཚེ་དེའི་དུས
215b5 ནཁྱོད་ཉིད་འཁོར་ལོས་སྒྱུར་བའི་རྒྱལ་པོ་བསོད་ནམས་མི་ཟད་པ་ཞེས་བྱ་བར་གྱུར་ཏོ། ། ཀླུའི་བདག་པོ་ཁྱོད་རྒྱལ་པོའི་བུ་དང་། རྒྱལ་པོའི་བུའི་མ་དེ་དག་གཞན་ཅིག་ཡིན་པ་སྙམ་དུ་སེམས
215b6 ནདེ་ལྟར་མི་བལྟའོ། ། དེ་ཅིའི་ཕྱིར་ཞེ་ན། འཁོར་འདིར་འདུས་ཤིང་འཁོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་ཉིད་ཡིན་ནོ།། ཀླུའི་བདག་པོ་འདི་ཇི་སྙམ་དུ་སེམས
215b7 རིན་པོ་ཆེའི་ཟ་མ་ཏོག་ཅེས་བྱ་བའི་གཟུངས་གང་། དེ་བཞིན་གཤེགས་པ་ཚངས་པའི་དཔལ་ལྷའི་རྒྱལ་པོ་དེས། རྒྱལ་པོ་བསོད་ནམས་མི་ཟད་པ་དེ་ལ་བསྟན་པ་དེ་གཞན་ཞིག་ཡིན་པ་སྙམ
iiif viewer powered by OpenSeadragon
