| e-texts navigator |
| Wylie |
215a1 སངས་རྒྱས་འབུམ་ནི་དེའི་མིག་ལམ་དུ་སྣང་བར་གྱུར་ཏོ།། སངས་རྒྱས་བྱེ་བ་ཕྲག་འབུམ་མངོན་སུམ་དུ་མཐོང་བར་འགྱུར་བའི་དགེ་བའི་རྩ་བ་ཡང་དེས་ཡོངས་སུ་གཟུང་ངོ་།།
215a2 གང་གཱའི་ཀླུང་གི་བྱེ་མ་སྙེད་ཀྱི་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་དུ་འགྱུར་བ་དང་། འཁོར་ལོ་སྒྱུར་བའི་རྒྱལ་སྲིད་ཐོབ་པའི་དགེ་བའི་རྩ་བ་ཡང་བསྐྱེད་དོ།། དྲན་པ་དག་པ་ཞེས་བྱ་བའི
215a3 ཐོས་པའི་གཟུངས་ཀྱང་ཐོབ་སྟེ། ཐོས་པའི་གཟུངས་དེས་ན། སངས་རྒྱས་བརྒྱས་གསུངས་པ་ཡང་དག་པར་འཛིན་པར་བྱེད་དོ།། གཞོན་ནུ་དེ་དག་དང་། དེ་དག་གིས་མ་དེ་རྣམས་ཀྱིས་ཀྱང
215a4 རྗེས་སུ་འཐུན་པའི་ཆོས་ཀྱི་བཟོད་པ་ཐོབ་བོ། ། བཙུན་མོ་དེ་དག་གི་ནང་ནས་ཀྱང་བུད་མེད་བརྒྱད་ཁྲི་བཞི་སྟོང་གིས་ནི། བྱང་ཆུབ་ཏུ་སེམས་བསྐྱེད་དོ།། བུད་མེད་བརྒྱད་ཁྲི་བཞི་སྟོང་གིས་ནི་བཟོད
215a5 པ་ཐོབ་པར་གྱུར་ཏོ། ། ལྷ་དང་མི་ཁྲག་ཁྲིག་ཕྲག་དགུ་བཅུས་ནི་བྱང་ཆུབ་ཏུ་སེམས་བསྐྱེད་དོ།། ལྷ་དང་མི་བརྒྱད་ཁྲི་བཞི་སྟོང་གིས་ནི་བཟོད་པ་ཐོབ་པར་གྱུར་ཏོ།། ཉན་ཐོས་ཀྱི་ཐེག་པ་པ་ཁྲག་ཁྲིག
215a6 ཕྲག་སུམ་ཅུ་རྩ་གཉིས་ནི་ཆོས་རྣམས་ལ་ཆོས་ཀྱི་མིག་རྣམ་པར་དག་གོ། ། དགེ་སློང་ཁྲི་དྲུག་སྟོང་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ།། རྒྱལ་པོ་བསོད་ནམས་མི་ཟད
215a7 པ་ཡང་རྒྱལ་སྲིད་ཐམས་ཅད་སྤངས་ནས། ལྷ་དང་མིའི་འདོད་པ་རྣམས་ལ་དོན་ཏུ་གཉེར་བ་མེད་པར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཉིད་ལ་རྟེན་བཅས་ཏེ། དད་པས་ཁྱིམ
iiif viewer powered by OpenSeadragon
