| e-texts navigator |
| Wylie |
212a1 རང་སངས་རྒྱས་ཀྱི་ཐེག་པ་པ་ནི་ཉུང་ངོ་། ། དེ་དག་གི་ལོངས་སྤྱོད་ཐམས་ཅད་ཀྱང་ཡིད་ལ་བསམས་པས་འབྱུང་ལ། ལྷ་དང་མི་དེ་དག་བདེ་ཞིང་ལོངས་སྤྱོད་དང་ལྡན་པར
212a2 གྱུར་ཏོ། ། དེ་ན་སུའང་སྡུག་པ་དང་། དབུལ་པོ་མེད་དེ། དཔེར་ན། དགའ་ལྡན་གྱི་ལྷ་རྣམས་ཀྱི་ལོངས་སྤྱོད་དང་། ཉེ་བར་སྤྱད་པ་ཇི་ལྟ་བ་བཞིན་དུ། དེ་ན་འཁོད་པའི་མི་རྣམས་ཀྱང
212a3 དེ་དང་འདྲ་བར་གྱུར་ཏོ། ། དེ་བཞིན་གཤེགས་པ་དེའི་སྐུ་ཚེའི་ཚད་ཀྱང་ལོ་འབུམ་ཕྲག་བརྒྱད་ཅུ་རྩ་བཞི་ཕྲག་བརྒྱད་དུ་བསྒྲེས་པ་སྙེད་དུ་གྱུར་ཏོ།། མི་དེ་དག་གི་ཚེའི་ཚད་ཀྱང་དེ་ཉིད་དེ། དེ་ན་ཚེའི
212a4 མཐར་མ་ཕྱིན་པར་སུ་ཡང་འཆི་བ་མེད་དོ། ། དེ་བཞིན་གཤེགས་པ་དེའི་བྱང་ཆུབ་སེམས་དཔའི་འཁོར་ཡང་ཁྲག་ཁྲིག་ཕྲག་བདུན་བཅུ་རྩ་གཉིས་ཡོད་པར་གྱུར་ཏོ།། དེའི་ཉན་ཐོས་ཀྱི་དགེ
212a5 འདུན་ནི་ཚད་མེད་དོ། ། ཀླུའི་བདག་པོ་དེའི་ཚེ་དེའི་དུས་ན། དེར་འཁོར་ལོས་སྒྱུར་བའི་རྒྱལ་པོ་གླིང་ཆེན་པོ་བཞིའི་དབང་ཕྱུག་གིས་རྒྱལ་པོ་བསོད་ནམས་མི་ཟད་པ་ཞེས་བྱ་བ་ཞིག་བྱུང་སྟེ།
212a6 རྒྱལ་པོ་བསོད་ནམས་མི་ཟད་པ་དེའི་བཙུན་མོ་བུད་མེད་ལྷ་མོ་དང་འདྲ་བ་ཁྲག་ཁྲིག་བརྒྱ་ཕྲག་བརྒྱད་བཅུ་རྩ་བཞི་ཡོད་དེ། དེ་དག་གི་ནང་ན་དེའི་བཙུན་མོའི་དམ་པ་ནི་བཞི་ཡོད་པར་གྱུར་ཏོ།།
212a7 འདི་ལྟ་སྟེ། དྲི་མ་མེད་པ་ཞེས་བྱ་བ་དང་། དྲི་མ་མེད་པའི་འོད་ཅེས་བྱ་བ་དང་། དག་པ་ཞེས་བྱ་བ་དང་། དག་ལྡན་མ་ཞེས་བྱའོ།། དེའི་བུ་ཡང་བརྒྱད་ཁྲི་བ་ནི
iiif viewer powered by OpenSeadragon
