| e-texts navigator |
| Wylie |
210a1 ཤེས་བྱའོ། ། འདི་ན་བྱང་ཆུབ་ཀྱི་ཡན་ལག་རྣམས་ཤེས་བྱ་བ་གང་ཡིན་པ་དེ་དག་ནི། གཞན་དག་ན་རྗེས་སུ་འགྲོ་བ་རྣམས་ཤེས་བྱའོ།། འདི་ན་ལམ་ཞེས་བྱ་བ་གང
210a2 ཡིན་པ་དེ་ནི། གཞན་དག་ན་སྒྲོལ་བ་ཞེས་བྱའོ།། འདི་ན་སོ་སོ་ཡང་དག་པར་རིག་པ་ཞེས་བྱ་བ་གང་ཡིན་པ་དེ་ནི། གཞན་དག་ན་མངོན་སུམ་གྱི་སྒོ་ཞེས་བྱའོ།། འདི་ནི་ཆོས་ཀྱི་སྦྱིན་པ
210a3 ཞེས་བྱ་བ་གང་ཡིན་པ་དེ་དག་ནི། གཞན་དག་ན་ལེགས་པར་བསྡུས་པ་ཞེས་བྱའོ།། འདི་ན་ཞི་གནས་དང་ལྷག་མཐོང་ཞེས་བྱ་བ་གང་ཡིན་པ་དེ་ནི། གཞན་དག་ན་ཉེ་བར་ཞི་བ་དང་། རྣམ
210a4 པར་ལྟ་བར་ཞེས་བྱའོ། ། འདི་ན་རྣམ་པར་ཐར་པ་ཞེས་བྱ་བ་གང་ཡིན་པ་དེ་དག་ནི། གཞན་དག་ན་དོན་ཡོད་པ་ཞེས་བྱའོ།། འདི་ན་བསོད་ནམས་ཤེས་བྱ་བ་གང་ཡིན་པ་དེ་ནི། གཞན་དག་ན།།
210a5 ཕན་པ་ཞེས་བྱའོ།། འདི་ན་ཡེ་ཤེས་ཞེས་བྱ་བ་གང་ཡིན་པ་དེ་ནི། གཞན་དག་ན་རྟོགས་མེད་ཅེས་བྱའོ།། འདི་ནི་རབ་ཏུ་འབྱུང་བ་ཞེས་བྱ་བ་གང་ཡིན་པ་དེ་ནི། གཞན་དག་ན་ལམ་གྱི
210a6 རྗེས་སུ་འགྲོ་བ་ཞེས་བྱའོ། ། འདི་ན་བསྙེན་པར་རྫོགས་པ་ཞེས་བྱ་བ་གང་ཡིན་པ་དེ་ནི། གཞན་དག་ན་འདའ་བར་མི་བྱ་བ་ཞེས་བྱའོ།། འདི་ན་མྱ་ངན་ལས་འདས་པ་ཞེས་བྱ་བ་གང་ཡིན་པ
210a7 དེ་ནི་གཞན་དག་ན་ཉེ་བར་ཞི་བ་ཞེས་བྱའོ། ། འདི་ན་སངས་རྒྱས་བཅོམ་ལྡན་འདས་རྣམས་ནི་བསྔགས་པ་མཐའ་ཡས་པ་དང་ལྡན་པའོ་ཞེས་བྱ་བ་གང་ཡིན་པ་དེ་ནི། འཇིག་རྟེན་གྱི་ཁམས
iiif viewer powered by OpenSeadragon
