| e-texts navigator |
| Wylie |
206a1 ཤིན་ཏུ་ཡངས་པ་དང་ལྡན་པའོ། ། དབང་པོ་ལྔའི་ལྟེ་བ་ཤིན་ཏུ་ཟབ་པ་དང་ལྡན་པའོ།། བྱང་ཆུབ་ཀྱི་ཡན་ལག་བདུན་གྱི་ལྟོ་བ་དང་ལྡན་པའོ།། ལམ་ཡན་ལག་བརྒྱུད་པའི།
206a2 སྟ་ཟུར་དང་ལྡན་པའོ།། ཡེ་ཤེས་མཐའ་ཡས་པའི་སྤུའི་ཁུང་བུ་དང་ལྡན་པའོ།། དགེ་བའི་རྩ་བའི་ཕུན་སུམ་ཚོགས་པ་ཐམས་ཅད་འདྲེན་པའི་ཡན་ལག་དང་ལྡན་པའོ།། དགེ་བ་བཅུའི་ལས་ཀྱི།
206a3 ལམ་ལེགས་པར་སྲུང་བའི་སོར་མོ་དང་ལྡན་པའོ།། ངོ་བོ་ཉིད་ཀྱིས་རྣམ་པར་དག་པའི་ཆོས་ཉིད་མཐོང་བ་དང་བསྒོམ་པའི་སོར་མོ་དང་ལྡན་པའོ།། ཆོས་ཐམས་ཅད་ལ་སོམ་ཉི་མེད་པའི་རྩི
206a4 ལོགས་དང་ལྡན་པའོ། ། སའི་རིམ་པའི་ཚུལ་ཐོབ་པའི་སྐལ་ཚིགས་དང་ལྡན་པའོ།། དུས་ལས་མི་འདའ་བར་ཆོས་སྟོན་པའི་སྟོབས་དང་ལྡན་པའོ།། བསམ་གཏན་དང་། རྣམ་པར་ཐར་པ
206a5 དང་ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་ལ་ཡོངས་སུ་སྦྱངས་པ་ལེགས་པར་བྱས་པའི་ཞི་གནས་དང་། ལྷག་མཐོང་གི་བརླ་དང་ལྡན་པའོ།། ཆོས་ཀྱི་ངེས་པ་ལ་འཇུག
206a6 པའི་པུས་མོ་དང་ལྡན་པའོ། ། ཆོས་ཇི་ལྟ་བ་བཞིན་དུ་སྟོན་པའི་རྗེ་ངར་དང་ལྡན་པའོ།། ཆོས་རྟོགས་པས་གསུངས་པའི་རྣམ་པར་དྲན་པ་དང་ལྡན་པའོ།། ཉོན་མོངས་ཐམས་ཅད་ལས་རྣམ
206a7 པར་རྒྱལ་བའི་ལོང་མོ་དང་ལྡན་པའོ། ། ཕྱོགས་བཅུར་འགྲོ་བའི་རྐང་པ་དང་ལྡན་པའོ།། བསྟན་པ་མཚམས་འབྱོར་པར་འགྲོ་ཞིང་འོང་བ་དང་ལྡན་པའོ།། ངོ་ཚ་ཤེས་པ་དང་ཁྲེལ་ཡོད་པའི
iiif viewer powered by OpenSeadragon
