| e-texts navigator |
| Wylie |
205a1 བྱང་ཆུབ་སྟོན་པར་བྱེད་དོ། ། ཡི་གེ་རྣམས་ཁོ་ནས་བྱང་ཆུབ་གླེང་བར་བྱེད་དོ།། ཡི་གེ་རྣམས་ཁོ་ནས་བྱང་ཆུབ་ལ་རེག་པར་བྱེད་དོ།། ། བམ་པོ
205a2 གསུམ་པ། ། ཀླུའི་བདག་པོ་བྱང་ཆུབ་སེམས་དཔའ་ནི་མི་ཟད་པའི་ཟ་མ་ཏོག་གི་གཟུངས་ཐོབ་པས། སྟོབས་བཅུ་ཐོབ་པར་འགྱུར་རོ།། མི་འཇིགས་པ་བཞི་དང་། མ་འདྲེས་པ
205a3 བཅོ་བརྒྱད་དང་། སངས་རྒྱས་ཀྱི་ཆོས་རྣམས་དང་། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་། བླ་ན་མེད་པའི་ཤེས་རབ་ཐོབ་པར་འགྱུར་རོ།། དེའི
205a4 ཤེས་རབ་དེ་ཡང་སེམས་ཅན་ཐམས་ཅད་གཟུགས་མེད་པར་སྒྲོལ་བའོ། ། ཉོན་མོངས་པ་ཐམས་ཅད་སྲེག་པའོ།། སེམས་ཅན་ཐམས་ཅད་ཡོངས་སུ་སྨིན་པར་བྱེད་པའོ།། ཆུ་བོ་བཞི་ལས
205a5 སྒྲོལ་བའོ། ། བདུད་བཞི་རྣམ་པར་འཇོམ་པའོ།། སེམས་ཅན་ཐམས་ཅད་ལ་འཛུམ་པའི་བཞིན་སྟོན་པའོ།། སེམས་ཅན་ཐམས་ཅད་མགུ་བར་བྱེད་པའོ།། ཤེས་རབ་རིན་པོ་ཆེའི་སེམས
205a6 ཡང་དག་པར་སྐྱེད་པའོ། ། དཀོན་མཆོག་གསུམ་གྱི་གདུང་མི་འཆད་པར་བྱེད་པའོ།། ཕས་ཀྱི་རྒོལ་བ་ཐམས་ཅད་ཡང་དག་པར་འཇོམ་པའོ།། ཉོན་མོངས་པའི་ཆེ་བ་ཕྱེ་མར་རློག་པའོ།།
205a7 གསང་བ་གསུམ་གྱི་གསང་སྔགས་ཀྱིས་ཀུན་ཏུ་སྲུང་བའི་གཟུངས་སོ།། ཆོས་ཐམས་ཅད་ལ་རྣམ་པར་ལྟ་བའོ།། ཉོན་མོངས་པའི་ཁུར་ལས་སྒྲོལ་བའོ།། འཇིགས་པ་དང་སྐྲག་པ་ཐམས་ཅད
iiif viewer powered by OpenSeadragon
