| e-texts navigator |
| Wylie |
204b1 འབྱུང་ངོ་། ། དཔེར་ན། ཡི་གེ་རྣམས་ནི་སྐད་ཅིག་པ་དང་། ཡ་མ་བརླ་དང་། གསོ་བ་དང་། གསོག་ཡིན་ལ། དེ་རྣམས་ཀྱི་བྱེད་པ་པོ་འགའ་ཡང་མེད་པ་དེ་བཞིན་དུ། ཆོས་ཐམས་ཅད
204b2 ཀྱང་སྐད་ཅིག་པ་དང་། ཡ་མ་བརླ་དང་། གསོབ་དང་། གསོག་ཡིན་ལ། དེ་རྣམས་ཀྱི་བྱེད་པ་པོ་འགའ་ཡང་མེད་དེ།། དཔེར་ན། ཡི་གེ་རྣམས་ནི་ཆགས་པ་ཡང་མེད། སྡང་བ
204b3 ཡང་མེད། རྨོངས་པ་ཡང་མེད་པར་འགྱུར་ལ་ཡི་གེ་རྣམ་པར་རིག་བྱེད་དེས་ཀྱང་བྱིས་པ་རྣམས་རྗེས་སུ་ཆགས་པའམ། ཁོང་ཁྲོ་བ་འམ། རྨོངས་པར་འགྱུར་བ་དེ་བཞིན་དུ། ཆོས་ཐམས
204b4 ཅད་ཀྱང་ཆགས་པའང་མེད། སྡང་བའང་མེད་རྨོངས་པའང་མེད་པར་ཡོངས་སུ་རྟོགས་ལ་མངོན་པར་ཞེན་པས། འདོད་ཆགས་དང་། ཞེ་སྡང་དང་། གཏི་མུག་སྐྱེ་བར་འགྱུར་རོ།། དཔེར
204b5 ན་ཡི་གེའི་བརྡས་ནི་འབྲས་བུ་ཐོབ་པ་ཡང་བསྟན་ལ། ཡི་གེ་རྣམས་ཀྱིས་ཐོབ་པ་ཡང་མེ་ད་མངོན་སུམ་དུ་བྱ་བ་ཡང་མེད་པ་དེ་བཞིན་དུ། ཆོས་རྣམ་པར་བཞག་པས་འབྲས་བུ་ཐོབ་པ་བསྟན་མོད
204b6 ཀྱི་འདི་ལ་ཆོས་འགའི་ཐོབ་པ་འམ། མངོན་སུམ་དུ་བྱ་བ་ཡང་མེད་དོ།། དཔེར་ན། ཆོས་གང་ཡང་ཡི་གེ་རྣམས་ཀྱིས་མ་བསྡུས་པ་མེད་པ་དེ་བཞིན་དུ། ཆོས་གང་ཡང་བྱང་ཆུབ་ཀྱིས་མ
204b7 བསྡུས་པ་མེད་དེ། ཀླུའི་བདག་པོ་དེ་ལྟར་ན། མི་ཟད་པའི་ཟ་མ་ཏོག་གི་གཟུངས་ལ་གནས་པའི་བྱང་ཆུབ་སེམས་དཔའ་ནི་ཡི་གེ་རྣམས་ཁོ་ནས་བྱང་ཆུབ་ཚོལ་བར་བྱེད་དོ།། ཡི་གེ་རྣམས་ཁོ་ནས
iiif viewer powered by OpenSeadragon
