| e-texts navigator |
| Wylie |
202b1 དང་ལྡན་པས་ན། ཆོས་ཐམས་ཅད་ཀྱི་མོས་པ་ལ་སླུ་བར་མི་བྱེད་དོ།། ཆོས་ཐམས་ཅད་ཚིག་གི་ལམ་ཡིན་པས་ན།། ཆོས་ཐམས་ཅད་ཀྱི་བརྗོད་པ་ལ་སླུ་བར་མི་བྱེད་དོ།། ཆོས་ཐམས་ཅད
202b2 དེ་བཞིན་ཉིད་ཡིན་པས་ན། ཆོས་ཐམས་ཅད་ཀྱི་དེ་བཞིན་ཉིད་ཀྱི་རྗེས་སུ་འགྲོ་བ་ལ་སླུ་བར་མི་བྱེད་དོ།། ཆོས་ཐམས་ཅད་ཇི་ལྟ་བ་བཞིན་པས་ན། ཆོས་ཐམས་ཀྱི་དུས་གསུམ་མཉམ་པ་ཉིད
202b3 ལ་སླུ་བར་མི་བྱེད་དོ། ། ཆོས་ཐམས་ཅད་གནས་ན་གནས་པས་ན། ཆོས་ཐམས་ཅད་ཀྱི་མི་གཡོ་བ་ཉིད་ལ་སླུ་བར་མི་བྱེད་དོ།། ཆོས་ཐམས་ཅད་ལག་མཐིལ་ན་འདུག་པས་ན། ཆོས་ཐམས
202b4 ཅད་ཀྱི་བྱ་བ་ཡོད་པ་ལ་སླུ་བར་མི་བྱེད་དོ། ། ཆོས་ཐམས་ཅད་མཉམ་པས་ན། ཆོས་ཐམས་ཅད་ཀྱི་ཁྱད་པར་མེད་པ་ཉིད་ལ་སླུ་བར་མི་བྱེད་དོ།། ཆོས་ཐམས་ཅད་ལ་མ་ཡིན་པས་ན། ཆོས་ཐམས
202b5 ཅད་ཀྱི་ཀུན་ནས་འཇུག་པ་སྟོན་ཏོ། ། ཆོས་ཐམས་ཅད་ནམ་མཁའ་ཡིན་པས་ན། ཆོས་ཐམས་ཅད་ཀྱི་ནམ་མཁའ་ལྟ་བུ་ཉིད་སྟོན་ཏོ།། ཆོས་ཐམས་ཅད་ནན་གྱིས་བྱས་པས་ན། ཆོས་ཐམས
202b6 ཅད་ཀྱི་སྒྲོལ་བ་ཉིད་སྟོན་ཏོ། ། ཆོས་ཐམས་ཅད་བསླང་དུ་མེད་པས་ན། ཆོས་ཐམས་ཅད་ཀྱི་བདག་པོ་མེད་པ་ཉིད་སྟོན་ཏོ།། ཆོས་ཐམས་ཅད་དྲན་པ་ཡིན་པས་ན། ཆོས་ཐམས་ཅད་ཀྱི་བརྗེད་པ
202b7 མེད་པ་སྟོན་ཏོ། ། ཆོས་ཐམས་ཅད་གཟུངས་ཡིན་པས་ན། ཆོས་ཐམས་ཅད་ཀྱི་མི་ཟད་པ་ཉིད་སྟོན་ཏོ།། ཆོས་ཐམས་ཅད་ཞི་བ་ཡིན་པས་ན། ཆོས་ཐམས་ཅད་ཀྱི་ཉེ་བར་ཞི་བ་སྟོན་ཏོ།།
iiif viewer powered by OpenSeadragon
