| e-texts navigator |
| Wylie |
202a1 རྗེས་སུ་འཇུག་པ་འམ། ཆོས་ཀྱི་བརྡའི་རྗེས་སུ་འཇུག་པའི་ཡི་གེ་གང་ཡིན་པ་དེ་དག་ཐམས་ཅད་ནི།། མི་ཟད་པའི་ཟ་མ་ཏོག་གི་གཟུངས་ཀྱི་རྗེས་སུ་འཇུག་པའི་ཚུལ།
202a2 གྱིས། བྱང་ཆུབ་སེམས་དཔས་ཡི་གེ་དེ་དང་། དེ་རྣམས་ཀྱི་ཚུལ་གྱི་དགོངས་པ་རབ་ཏུ་ཤེས་ཏེ། འདི་ལྟ་སྟེ། ཆོས་ཐམས་ཅད་གཟོད་མ་ནས་དག་པས་ན། ཆོས་ཐམས་ཅད་ཀྱི
202a3 རང་བཞིན་ལ་སླུ་བར་མི་བྱེད་དོ། ། ཆོས་ཐམས་ཅད་ལ་དགའ་བས་ན། ཆོས་ཀྱི་ཀུན་དགའ་ལ་དགའ་བ་སླུ་བར་མི་བྱེད་དོ།། ཆོས་ཐམས་ཅད་དོན་དམ་པ་ཡིན་པས་ན། ཆོས
202a4 ཐམས་ཅད་ཀྱི་ངེས་པའི་དོན་ལ་སླུ་བར་མི་བྱེད་དོ། ། ཆོས་ཐམས་ཅད་མིག་ཡིན་པས་ན། ཆོས་ཐམས་ཅད་ཀྱི་སྣང་བ་ལ་སླུ་བར་མི་བྱེད་དོ།། ཆོས་ཐམས་ཅད་མིང་ཙམ་དུ་ཟད་པས་ན།
202a5 ཆོས་ཐམས་ཅད་ཀྱི་བརྡ་ལ་སླུ་བར་མི་བྱེད་དོ།། ཆོས་ཐམས་ཅད་ཐོབ་པ་ཡིན་པས་ན། ཆོས་ཐམས་ཅད་ཀྱི་དགོངས་པ་སྦྱོར་བ་ལ་སླུ་བར་མི་བྱེད་དོ།། ཆོས་ཐམས་ཅད་དུལ་བས་ན། ཆོས
202a6 ཐམས་ཅད་ཀྱི་ཅང་ཤེས་ཉིད་ལ་སླུ་བར་མི་བྱེད་དོ། ། ཆོས་ཐམས་ཅད་ཞི་བས་ན། ཆོས་ཐམས་ཅད་ཀྱི་སྣང་བར་ཉིད་ལ་སླུ་བར་མི་བྱེད་དོ།། ཆོས་ཐམས་ཅད་སྟོབས་དང་བྲལ་བས་ན
202a7 ཆོས་ཐམས་ཅད་ཀྱི་སྟོབས་མེད་པ་ཉིད་ལ་སླུ་བར་མི་བྱེད་དོ། ། ཆོས་ཐམས་ཅད་ཚིག་པ་ཡིན་པས་ན། ཆོས་ཐམས་ཅད་ཀྱི་མི་སྐྱེ་བ་ཉིད་ལ་སླུ་བར་མི་བྱེད་དོ།། ཆོས་ཐམས་ཅད་དང་པ
iiif viewer powered by OpenSeadragon
