| e-texts navigator |
| Wylie |
197a1 ཕྱིར་ཆོས་སྟོན་ཏེ། དེ་ལྟ་བས་ན་སངས་རྒྱས་ཀྱི་གསུང་ནི་རྣམ་པར་རིག་པར་བྱེད་པ་མ་ཡིན་ནོ།། ཀླུའི་བདག་པོ་ང་ནི་ཆོས་གཟུང་བར་བྱ་བའི་ཕྱིར་དང་། ཆོས་ལ་མངོན།
197a2 པར་ཞེན་པ་བྱ་བའི་ཕྱིར་དང་། ཆོས་སྤྲོས་པར་བྱ་བའི་ཕྱིར་དང་། ཆོས་ཡོངས་སུ་རྟག་པར་བྱ་བའི་ཕྱིར་དང་། ཆོས་བསྐྱེད་པར་བྱ་བའི་ཕྱིར་དང་། ཆོས་འགག་པར་བྱ་བའི་ཕྱིར་དང་།
197a3 ཆོས་རྣམ་པར་འཇིག་པར་བྱ་བའི་ཕྱིར་དང་། ཆོས་གནས་པར་བྱ་བའི་ཕྱིར་དང་། ཆོས་དམིགས་པར་བྱ་བའི་ཕྱིར་དང་། ཆོས་རློམ་སེམས་སུ་བྱ་བའི་ཕྱིར་དང་། ཆོས་ཀྱི་ངོ་བོ་ཉིད་ཀྱི་ཕྱིར
197a4 དང་ཆོས་བརྟག་པར་བྱ་བའི་ཕྱིར་དང་། ཆོས་མཚན་མར་བྱ་བའི་ཕྱིར་དང་། ཆོས་ལ་བསྒྲིམ་པར་བྱ་བའི་ཕྱིར་དང་། ཆོས་འཆད་པར་བྱ་བའི་ཕྱིར་ཆོས་མི་སྟོན་ཏོ།། ཀླུའི་བདག་པོ་ང
197a5 ནི་ཆོས་གང་ཡང་སྤང་བར་བྱ་བ་འམ། འགག་པར་བྱ་བའི་ཕྱིར་ཆོས་མི་སྟོན་མོད་ཀྱི། འོན་ཀྱང་ང་ནི་ཆོས་ཐམས་ཅད་རང་བཞིན་གྱིས་སྒྲོ་བཏགས་པ་མེད་པའི་ཕྱིར་ཆོས་སྟོན་ཏེ། ཀླུའི་བདག
197a6 པོ་དེ་ལྟ་བས་ན་ཆོས་ཐམས་ཅད་རང་བཞིན་གྱིས་སྒྲོ་བཏགས་པ་མེད་པ་གང་ཡིན་པ་འདི་ནི། སངས་རྒྱས་ཀྱི་གསུངས་ཞེས་བྱའོ།། ཅིའི་ཕྱིར་དེ་ལ་སངས་རྒྱས་ཀྱི་གསུང་ཞེས་བྱ་ཞེ་ན། ཚིག
197a7 ཐམས་ཅད་ཀྱི་ཚུལ་ནི་སངས་རྒྱས་ཡིན་ཏེ། དེས་ན་སངས་རྒྱས་ཀྱི་གསུང་ཞེས་བྱའོ།། ཚིག་ཐམས་ཅད་ཀྱི་སྔོན་གྱི་མཐའ་དང་ཕྱི་མའི་མཐའ་ཡོངས་སུ་གཅོད་པ་ནི་སངས་རྒྱས་ཡིན་ཏེ། དེས
iiif viewer powered by OpenSeadragon
