| e-texts navigator |
| Wylie |
194b1 སེམས་དཔའ་འཁོར་གྱི་ནང་དུ་འོངས་ལ། འཁོར་གྱི་ནང་དུ་འདུག་ནས། ཟབ་མོའི་གཏམ་གྱི་བར་གཅད་དེ། གཏམ་སྣ་ཚོགས་གླེང་བ་གང་ཡིན་པ་དེ་ནི་དམ་པའི་ཆོས་ནུབ་པར་བྱ
194b2 བའི་ཕྱིར་བརྩོན་པ་ཡིན་ནོ། ། དེ་ཅིའི་ཕྱིར་ཞེ་ན། འཛམ་བུའི་གླིང་འདིར་ཇི་སྲིད་དུ་ཟབ་མོའི་ཆོས་གྲགས་པ་དེ་སྲིད་དུ། དམ་པའི་ཆོས་ནུབ་པར་མི་འགྱུར་བའི་ཕྱིར་རོ།། ཀླུའི་བདག
194b3 པོ་གཞན་ཡང་མོ་ཆོས་འདོད་དེ། ཆོས་ཉན་པ་ནི་ཉུང་ལ། མི་མ་ཡིན་པ་ཆོས་ཉན་པ་ནི་མང་སྟེ། དེར་དམ་པའི་ཆོས་སྨྲ་བ་པོ་གང་གིས་ཟབ་མོའི་གཏམ་ནི་འཆབ་པར་བྱེད་ལ། གཏམ
194b4 སྣ་ཚོགས་ནི་གླེང་བར་བྱེད་ན། དེར་ཟབ་མོ་ལ་མོས་པའི་ལྷ་རྣམས་ཡི་མ་རངས་པར་འགྱུར་ཏེ། འདི་སྐད་དུ་རིགས་ཀྱི་བུ་འདི་ནི་གང་ཁོ་ན་ལ་འཇིག་རྟེན་པ། ཉོན་མོངས་པ་སྤྱོད་པ་དེ་ཉིད
194b5 ཀྱི་འཇིག་རྟེན་པའི་གཏམ་གླེང་ཞིང་འདུག་སྟེ། ཀྱེ་རེ་ངན་འདི་ན་སངས་རྒྱས་ཀྱི་གསུང་མི་གྲག་གོ་ཞེས་ཚིག་ངན་མཐོན་ནས། དེ་དག་འཁོར་དེ་དག་ལ་མི་དགའ་སྟེ་འདོང་བར་བྱེད་དོ།། སྨོན
194b6 ལམ་གྱིས་ལེའུ་སྟེ་གཉིས་པའོ། ། །། དེ་ནས་བཅོམ་ལྡན་འདས་ལ་ཀླུའི་རྒྱལ་པོ་རྒྱ་མཚོས་འདི་སྐད་ཅེས་གསོལ་ཏོ།། བཅོམ་ལྡན་འདས་ཅི་འཇིག་རྟེན་པའི་སྦྱིན་པ་དང་།
194b7 དུལ་བ་དང་། ལེགས་པར་སྡོམ་པ་དང་། ངེས་པའི་གཏམ་དང་། རབ་ཏུ་འབྱུང་བ་དང་། ངེས་པར་འབྱུང་བའི་གཏམ་དང་། ཚངས་པར་སྤྱོད་པ་དང་། ཚུལ་ཁྲིམས་དང
iiif viewer powered by OpenSeadragon
