| e-texts navigator |
| Wylie |
192b1 ཕྱོགས་དང་འཐུན་པ་རྣམས་དང་། བསྟེན་པར་བྱ་བ་རྣམས་དང་། ཡོངས་སུ་སྤངས་པར་བྱ་བ་རྣམས་དང་། གདག་པར་བྱ་བ་རྣམས་དང་གཞིག་པར་བྱ་བ་རྣམས་དང་། སོ་སོའི་སྐྱེ་བོའི་ཆོས
192b2 རྣམས་དང་། སློབ་པའི་ཆོས་རྣམས་དང་། མི་སློབ་པའི་ཆོས་རྣམས་དང་། རང་སངས་རྒྱས་ཀྱི་ཆོས་རྣམས་དང་། བྱང་ཆུབ་སེམས་དཔའི་ཆོས་རྣམས་དང་། སངས་རྒྱས་ཀྱི་ཆོས་རྣམས
192b3 འདོགས་པར་མཛད་དེ། ཀླུའི་བདག་པོ་དེ་ལྟར་ན། དེ་བཞིན་གཤེགས་པ་ནི་དེ་ལྟར་ཆོས་རྣམ་པར་གཞག་པ་བསྟན་པ་ཡང་སྟོན་པར་མཛད་ལ་ཆོས་གང་ལ་ཡང་མཚན་མར་ཡང་དག་པར་རྗེས
192b4 སུ་མི་གཟིགས་སོ། ། ཀླུའི་བདག་པོ་དཔེར་ན། མི་ལ་ལ་ཞིག་སྐྱེས་ལ། དེས་ནམ་མཁའི་ཁམས་གཟུགས་མེད་ཅིང་བསྟན་དུ་མེད་པ་འདི་ལ། ཚོན་རྩི་ཐམས་ཅད་ཀྱིས་རི་མོ་བྲིས་ཏེ། ལྷའི
192b5 གཟུགས་རྣམས་ཀྱང་དེར་བསྟན་མིའི་གཟུགས་རྣམས་དང་། རྟ་དང་། གླང་པོ་ཆེ་དང་། ཤིང་རྟ་དང་། དཔུང་བུ་ཆུང་དང་། གཞོན་པ་རྣམས་ཀྱང་དེར་བསྟན་ན། ཀླུའི་བདག་པོ་འདི།།
192b6 ཇི་སྙམ་དུ་སེམས། ཅི་མི་དེ་དཀའ་བ་བྱེད་པ་ཡིན་ནམ། གསོལ་པ། བཅོམ་ལྡན་འདས་དཀའ་བ་བགྱིད་པ་ལགས་སོ།། བདེ་བར་གཤེགས་པ་དཀའ་བ་བགྱིད་པ་ལགས་སོ།། བཅོམ
192b7 ལྡན་འདས་ཀྱིས་བཀའ་སྩལ་པ། ཀླུའི་བདག་པོ་དེ་བས་ནི་གང་གཟུགས་མེད་ཅིང་བསྟན་དུ་མེད་པ་གཟུང་དུ་མེད་པ་ཡི་གེ་མེད་པ། བརྗོད་དུ་མེད་པའི་ཆོས་འདི་སེམས་ཅན་གཞན་རྣམས་དང
iiif viewer powered by OpenSeadragon
