| e-texts navigator |
| Wylie |
188b1 བཟོད་པ་དང་། དེ་གཞན་གྱིས་ངན་དུ་སྨྲས་པ་ཐོས་ན། ངག་ཡ་མ་བརླ་དང་། ངག་གསོབ་དང་། ངག་གསོག་དང་། ངག་གཟུང་དུ་མེད་པ་དང་། ངག་ཞི་བ་དང་། ངག་མི་གནས།
188b2 པར་ཤེས་ནས་བཟོད་པ་དང་། དེ་སེམས་རྙོག་པ་མེད་པ་དང་། སེམས་གསར་མ་ཡིན་པ་དང་། སེམས་རྙིང་མ་ཡིན་པ་དང་། གཅིག་ལ་གཅིག་མཚམས་སྦྱོར་བ་མེད་པ་དང་། སྐད
188b3 ཅིག་གིས་འཇིག་པ་མེད་པར་འགྱུར་བར་སོ་སོར་རྟོག་ཅིང་བཟོད་ལ། མཚམས་སྦྱོར་བ་མེད་པར་མཐོང་བ་འདི་ནི། བྱང་ཆུབ་སེམས་དཔའ་ཤེས་རབ་ཀྱི་གནས་ལ་གནས་པའི་བཟོད
188b4 པ་ཞེས་བྱའོ། ། དེ་ལ་བྱང་ཆུབ་སེམས་དཔའ་ཤེས་རབ་ཀྱི་གནས་ལ་གནས་པའི་བརྩོན་འགྲུས་གང་ཞེ་ན། བྱང་ཆུབ་སེམས་དཔའ་དགེ་བའི་རྩ་བ་ཐམས་ཅད་རྣམ་པར་འཕེལ་བར
188b5 བྱ་བའི་ཕྱིར། བརྩོན་འགྲུས་ཀྱང་རྩོམ་ལ། བརྩོན་འགྲུས་རྣམ་པར་འཕེལ་བ་དེས་ཀྱང་། ཆོས་ཀྱི་དབྱིངས་རྣམ་པར་འཕེལ་བ་དང་། ཡོངས་སུ་འགྲིབ་པར་ཡང་དག་པར་རྗེས་སུ་མི
188b6 མཐོང་བ་གང་ཡིན་པ་དང་། དེས་ཆོས་ཐམས་ཅད་ཆོས་ཀྱི་དབྱིངས་སུ་ཡང་དག་པར་འདུ་བར་རིག་ནས། ཆོས་གང་ཡང་བདེན་པར་ཡོངས་སུ་གྲུབ་པར་ཡང་དག་པར་རྗེས་སུ་མི་མཐོང་ལ།།
188b7 མི་བདེན་པ་ཕྱིན་ཅི་ལོག་ལ། འཇིག་རྟེན་གནས་པ་ཡང་མཐོང་བ་དང་། དེས་དེ་ལྟར་ཤེས་རབ་རྣམ་པར་དག་པའི་སྒོ་ནས། ཆོས་ཐམས་ཅད་ལ་ཡང་དག་པར་ལྟ་བ་ན། ཆོས་རྣམས
iiif viewer powered by OpenSeadragon
