| e-texts navigator |
| Wylie |
186b1 འཛིན་པར་བྱེད་པ་དང་། དེ་བཞིན་ཉིད་དུ་རྩུ་པ་རྣམ་ལྡ་ཅི་སྨོས། ཀླུའི་རྒྱལ་པོ་རྒྱ་མཚོས་ནུས་པ་ལས་གླེང་གཞིའི་ལེའུ་སྟེ་དང་པོའོ།། བམ་པོ་གཉིས་པ།
186b2 དེ་ནས་ཀླུའི་རྒྱལ་པོ་རྒྱ་མཚོ་བཤད་པ་འདི་ཐོས་ནས། ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་ཡིད་བདེ་བ་སྐྱེས་ནས། རྒྱ་མཚོའི་གནས་རྣམ་པར་དག
186b3 པར་བྱེད་པའི་རིན་པོ་ཆེ་བཀོད་པ་ཀུན་ཏུ་འོད་ཟེར་འབྱུང་བའི་འོད་ཅན་ཞེས་བྱ་བའི་ནོར་བུ་རིན་པོ་ཆེ་ཆེན་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རི་བ་གང་ཡིན་པ་དེ། བཅོམ་ལྡན་འདས
186b4 ལ་ཆོས་ཀྱི་དགབ་པར་ཕུལ་ལོ། ། ནོར་བུ་རིན་པོ་ཆེ་དེའི་འོད་ཀྱིས་ཀྱང་ཉི་མ་དང་། ཟླ་བ་གཉིས་ཀྱི་འོད་མོག་མོག་པོར་བྱས་སོ།། འཁོར་ཐམས་ཅད་ཀྱང་ངོ་མཚར་དུ་གྱུར་ནས། བཅོམ་ལྡན་འདས
186b5 ལ་ཕྱག་འཚལ་ཞིང་ཚིག་འདི་སྐད་དུ། ཨ་ལ་ལ་སངས་རྒྱས་བྱུང་བ་ནི་ངོ་མཚར་ཆེ་སྟེ། དེ་བྱུང་བས་འདི་ལྟར་ཡ་མཚན་དུ་རུང་ཞིང་། རྨད་དུ་བྱུང་བའི་ཆོས་དག་ཀྱང་སྣང་ངོ་ཞེས་སྨྲས་སོ།།
186b6 དེ་ནས་ཀླུའི་རྒྱལ་པོ་རྒྱ་མཚོས་བཅོམ་ལྡན་འདས་ལ་མངོན་པར་དགབ་པར་བྱས་ནས། འདི་སྐད་ཅེས་གསོལ་ཏོ།། བཅོམ་ལྡན་འདས་དགེ་བའི་རྩ་བ་འདིས་ནི། བདག་སངས་རྒྱས
186b7 ཀྱི་སྐུའི་འོད་དྲི་མ་མ་མཆིས་པ་ཐོབ་པར་གྱུར་ཅིག། འོད་དེས་ཀྱང་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་སྣང་བར་གྱུར་ཅིག། སེམས་ཅན་གང་འོད་དེས་ཕོག་པ་དེ་དག་ཀྱང་།
iiif viewer powered by OpenSeadragon
