| e-texts navigator |
| Wylie |
183b1 གཏོང་ལ། ཁམས་གསུམ་པས་ཀྱང་ཡིད་རྟག་ཏུ་ཐུག་པ་དང་། མངོན་པར་འདུ་བྱེད་པར་ཡང་མི་ལྷུང་ལ། ཐམས་ཅད་མཁྱེན་པ་ཆིཡེ་ཤེས་ཀྱང་ཡོངས་སུ་ཚུལ་བ་དང་། སེམས་ཅནས།
183b2 ལ་ཡང་ལྟ་ལ། བསོད་ནམས་ཀྱི་ཚོགས་ཀྱང་སོགས་པ་དང་། མི་རྟག་པའི་མཚན་ཉིད་ལ་ཡང་ཡིད་ཆེས་ལ། ཡེ་ཤེས་ཀྱི་ཚོགས་ཀྱང་སོགས་པ་དང་། ཉན་ཐོས་དང་། རང་སངས་རྒྱས
183b3 ཀྱི་ཤེས་པ་ལ་ཡང་མ་ཆགས་པ་སྟེ། ཀླུའི་བདག་པོ་ཆོས་བརྒྱད་པོ་དེ་དག་དང་ལྡན་ན། བྱང་ཆུབ་སེམས་དཔའ་བདུད་ཕྱིར་རྒོལ་བ་བཅོམ་པ་ཡིན་ནོ།། ཀླུའི་བདག་པོ་ཆོས་བཅུ་དང་ལྡན་ན
183b4 བྱང་ཆུབ་སེམས་དཔའ་སྒྲགས་པ་དང་འཇིགས་པ་ཐམས་ཅད་དང་བྲལ་ཏེ། བྱང་ཆུབ་སེམས་དཔའི་སྤྱད་པ་སྤྱོད་པ་ཡིན་ཏེ། བཅུ་གང་ཞེ་ན། སྦྱིན་པས་བརྟན་པ་ཡིན་ཏེ། མཚན་གྱིས་ལེགས
183b5 པར་བརྒྱན་པ་དང་། ཚུལ་ཁྲིམས་ལ་གནས་པ་ཡིན་ཏེ། ངན་སོང་ཐམས་ཅད་ཡང་དག་པར་གཅད་པ་དང་། བཟོད་པའི་གོ་ཆ་བགོས་པ་ཡིན་ཏེ། དབང་པོ་མ་ཉམས་པ་དང་། བརྩོན་འགྲུས
183b6 བརྟན་པ་ཡིན་ཏེ། དགེ་བའི་ཚོགས་རྣམས་ཀྱིས་ཆོས་ནི་ཤེས་པ་དང་། བསམ་གཏན་ལ་གནས་པ་ཡིན་ཏེ། ཅང་ཤེས་ཀྱི་སེམས་དང་ལྡན་པ་དང་། ཤེས་རབ་དང་ལྡན་པ་ཡིན་ཏེ། ཉོན་མོངས
183b7 པ་དང་བྲལ་བ་དང་། ཐབས་ལ་མཁས་པ་ཡིན་ཏེ། ཀུན་ཏུ་ཡོངས་སུ་བསྔོ་བ་ཤེས་པ་ལ་མཁས་པ་དང་། སོ་སོ་ཡང་དག་པའི་རིག་པ་ཐོབ་པ་ཡིན་ཏེ། དོན་དང་ཆོས་དང་། ངེས་པའི་ཅིས
iiif viewer powered by OpenSeadragon
