| e-texts navigator |
| Wylie |
180a1 པར་འགྱུར་བ་དང་། ཆོས་རྣམས་ལ་སློབ་དཔོན་དཔེ་མཁྱུད་མེད་པས། ཟག་པ་ཟད་པ་ཤེས་པ་རྣམ་པར་དག་པར་འགྱུར་བ་སྟེ། དྲུག་པོ་དེ་དག་གོ།། ཀླུའི་བདག་པོ
180a2 གཞན་ཡང་མར་མེ་བྱིན་པས་ནི། ལྷའི་མིག་རྣམ་པར་དག་པར་འགྱུར་རོ།། སིལ་སྙན་དང་། ཕེག་རྡོབ་པ་དང་། ཀླུ་དབྱངས་ཐམས་ཅད་བྱིན་པས་ནི། ལྷའི་རྣ་བ་རྣམ་པར་དག་པར་འགྱུར
180a3 རོ། ། ཀུན་ནས་ཉོན་མོངས་པ་མེད་པར་བྱིན་པས་ནི། གཞན་གྱི་སེམས་ཤེས་པ་རྣམ་པར་དག་པར་འགྱུར་རོ།། དགེ་བའི་ཆོས་དྲན་པར་བྱེད་ཅིང་བསྐུལ་བས་ནི། སྔོན་གྱི་གནས་རྗེས་སུ
180a4 དྲན་པ་ཤེས་པ་རྣམ་པར་དག་པར་འགྱུར་རོ། ། སྒྲིབ་པ་དང་། འགྱོད་པ་བསལ་བས་ནི། རྫུ་འཕྲུལ་བྱ་བ་ཤེས་པ་རྣམ་པར་དག་པར་འགྱུར་རོ།། ཆོས་བྱིན་པས་ནི་ཟག་པ་ཟད་པ་ཤེས
180a5 པ་རྣམ་པར་དག་པར་འགྱུར་རོ། ། ཀླུའི་བདག་པོ་གཞན་ཡང་དེ་བཞིན་གཤེགས་པ་ལ་ལྟ་བས་ནི། ལྷའི་མིག་རྣམ་པར་དག་པར་འགྱུར་རོ།། དམ་པའི་ཆོས་མཉན་པས་ནི། ལྷའི་རྣ་བ
180a6 རྣམ་པར་དག་པར་འགྱུར་རོ། ། སེམས་ཀྱིས་ངེས་པར་བརྟགས་པས་ནི། གཞན་གྱི་སེམས་ཤེས་པ་རྣམ་པར་དག་པར་འགྱུར་རོ།། དགེ་འདུན་རྗེས་སུ་དྲན་པས་ནི། སྔོན་གྱི་གནས་རྗེས
180a7 སུ་དྲན་པ་ཤེས་པ་རྣམ་པར་དག་པར་འགྱུར་རོ། ། འདུན་པ་དྲག་པོས་ནི། རྫུ་འཕྲུལ་བྱ་བ་ཤེས་པ་རྣམ་པར་དག་པར་འགྱུར་རོ།། ཆོས་སྒྲུབ་པས་ནི་ཟག་པ་ཟད་པ་ཤེས་པ་རྣམ་པར་དག
iiif viewer powered by OpenSeadragon
