| e-texts navigator |
| Wylie |
179b1 བཞི་དང་ལྡན་ན། བྱང་ཆུབ་སེམས་དཔའ་རྣམས་ལྟ་བར་གྱུར་པ་ཐམས་ཅད་དུ་ལྟ་བར་མི་འགྱུར་ཏེ། བཞི་གང་ཞེ་ན། སྟོང་པ་ཉིད་ཀྱི་ཤེས་པས་བདག་དང་། སེམས་ཅན་དུ་ལྟ་བར་མི
179b2 འགྱུར་བ་དང་། མཚན་མ་མེད་པའི་ཤེས་པས་སྲོག་དང་གང་ཟག་ཏུ་ལྟ་བར་མི་འགྱུར་བ་དང་། སྨོན་པ་མེད་པའི་ཤེས་པས་འབྱུང་བ་དང་། འཇིག་པར་ལྟ་བར་མི་འགྱུར་བ་དང་།། རྟེན
179b3 ཅིང་འབྲེལ་པར་འབྱུང་བའི་ཤེས་པས་ཆད་པ་དང་། རྟག་པར་ལྟ་བར་མི་འགྱུར་བ་སྟེ། ཆོས་བཞི་པོ་འདི་དག་དང་ལྡན་ན། བྱང་ཆུབ་སེམས་དཔའ་རྣམས་ལྟ་བར་གྱུར་པ་ཐམས་ཅད
179b4 ལྟ་བར་མི་འགྱུར་རོ། ། ཀླུའི་བདག་པོ་ཆོས་དྲུག་དང་ལྡན་ན། བྱང་ཆུབ་སེམས་དཔའ་རྣམས་མངོན་པར་ཤེས་པའི་ཤེས་པས་རྣམ་པར་རྩེ་བར་འགྱུར་ཏེ། དྲུག་གང་ཞེ་ན། སེམས་ཅན
179b5 ཐམས་ཅད་ལ་ཁོང་ཁྲོ་བ་མེད་པའི་ལྟ་བས། དེའི་ལྷའི་མིག་རྣམ་པར་དག་པར་འགྱུར་བ་དང་། ངན་ཏུ་སྨྲས་པའི་ཆོག་དང་དུ་ལེན་པས། ལྷའི་རྣ་བ་རྣམ་པར་དག་པར་འགྱུར་བ་དང་།
179b6 སེམས་ཀུན་ནས་ཉོན་མོངས་པ་མེད་པས། གཞན་གྱི་སེམས་ཤེས་པ་རྣམ་པར་དག་པར་འགྱུར་བ་དང་། སྔོན་བྱས་པའི་དགེ་བའི་རྩ་བ་སེམས་ཅན་ཐམས་ཅད་ལ་གཏོང་བས། སྔོན་གྱི
179b7 གནས་རྗེས་སུ་དྲན་པ་ཤེས་པ་རྣམ་པར་དག་པར་འགྱུར་བ་དང་། འཐུན་པར་བྱེད་པ་དང་། བཀའ་བློ་བདེ་བ་དང་། ཇི་སྐད་སྨྲས་པ་བཞིན་བྱེད་པས། རྫུ་འཕྲུལ་བྱ་བ་ཤེས་པ་རྣམ་པར་དག
iiif viewer powered by OpenSeadragon
