| e-texts navigator |
| Wylie |
178b1 ཆོས་ཟབ་མོའི་ཚུལ་ལ་གནས་པ་ཡིན་ཏེ། བཅུ་གང་ཞེ་ན། རྣམ་པར་བསྒྲུབ་པས་གནས་པའི་མཚན་ཉིད་ཀྱི་ཕྱིར། ཆོས་ཐམས་ཅད་རྒྱུ་མ་ལྟ་བུར་རབ་ཏུ་ཤེས་པ་དང་། ཕྱིན་ཅི་ལོག
178b2 ལས་བྱུང་བར་མཐོང་བས། ཆོས་ཐམས་ཅད་རྨི་ལམ་ལྟ་བུར་རབ་ཏུ་ཤེས་པ་དང་། ཕྱིན་ཅི་ལོག་ཏུ་འདུ་ཤེས་པས་ཆོས་ཐམས་ཅད་སྨིག་རྒྱུ་ལྟ་བུར་རབ་ཏུ་ཤེས་པ་དང་། རྒྱུའི
178b3 བྱ་བ་དང་། རྐྱེན་ལ་དམིགས་ཏེ་སྐྱེ་བས་ཆོས་ཐམས་ཅད་མིག་ཡོར་ལྟ་བུར་རབ་ཏུ་ཤེས་པ་དང་། འཕོ་བ་མེད་པའི་མཚན་ཉིད་ལས་ཕྱིར་མ་ལོག་པས། ཆོས་ཐམས་ཅད་ཆུ་ཟླ
178b4 ལྟ་བུར་རབ་ཏུ་ཤེས་པ་དང་། ཡུལ་ན་མི་གནས་ཤིང་ཕྱོགས་ན་མི་གནས་ཏེ། ངོ་བོ་ཉིད་མེད་པས་ཆོས་ཐམས་ཅད་བྲག་ཆ་ལྟ་བུར་རབ་ཏུ་ཤེས་པ་དང་། སྐད་ཅིག་ཀྱང་མི་སྡོད་པས
178b5 ཆོས་ཐམས་ཅད་སྤྲིན་དང་ཀློག་སྣང་བ་ལྟ་བུར་རབ་ཏུ་ཤེས་པ་དང་། འདོད་ཆགས་དང་། ཞེ་སྡང་དང་། གཏི་མུག་གིས་ཆགས་པར་མི་འགྱུར་བས། ཆོས་ཐམས་ཅད་འཇའ
178b6 ཚོན་ལྟ་བུར་རབ་ཏུ་ཤེས་པ་དང་། གློ་བུར་གྱི་ཉེ་བའི་ཉོན་མོངས་པས་ཉོན་མོངས་པ་ཅན་དུ་མི་འགྱུར་བས། ཆོས་ཐམས་ཅད་རང་བཞིན་གྱིས་རབ་ཏུ་དག་པར་ཤེས་པ་དང་། སྐྱེ་བ
178b7 དང་། འཇིག་པ་དང་། གནས་པ་དང་བྲལ་བས་ཆོས་ཐམས་ཅད་ནམ་མཁའ་ལྟ་བུར་རབ་ཏུ་ཤེས་པ་སྟེ། ཀླུའི་བདག་པོ་ཆོས་བཅུ་པོ་དེ་དག་དང་ལྡན་ན། བྱང་ཆུབ་སེམས
iiif viewer powered by OpenSeadragon
