| e-texts navigator |
| Wylie |
415b1 གཟུངས་ཐོབ་པར་འགྱུར། ཆོས་ཐམས་ཅད་ལ་རྣམ་པར་རྒྱལ་བ་ཐོབ་པའི་གཟུངས་དང་། ཐེ་ཙོམ་རྣམ་པར་སྦྱོང་བའི་གཟུངས་དང་། དོན་དམ་པ་རྣམ་པར་ངེས་པའི་གཟུངས་ཐོབ
415b2 པར་འགྱུར་ཏེ། དེ་ལ་སོགས་པའི་གཟུངས་དང་། ཏིང་ངེ་འཛིན་གྱི་སྒོ་བརྒྱ་སྟོང་མཐའ་ཡངས་པ་ཐོབ་པར་འགྱུར་རོ།། མངོན་པར་ཤེས་པ་ལྔ་དང་ལྡན་པར་འགྱུར་རོ།།
415b3 བསམས་བཞིན་དུ་འཆི་འཕོ་དང་། སྐྱེ་བ་ཡོངས་སུ་འཛིན་པར་འགྱུར་རོ།། དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔའ
415b4 སངས་རྒྱས་མང་པོ་ལ་བསྙེན་བཀུར་བྱས་པ་ཁྱོད་ལ། ཆོས་ཀྱི་རྣམ་གྲངས་འདི་ཡོངས་སུ་བཏད་ཀྱིས་ཡང་དང་ཡང་རྒྱ་ཆེར་ཡང་དག་པར་རབ་ཏུ་ཤོད་ཅིག། འཇམ་དཔལ་ཁྱོད་ཀྱིས་དེ
415b5 བཞིན་གཤེགས་པ་ཇི་སྙེད་ཅིག་ལ་བསྟི་སྟང་བྱས་པ་དང་། བཙུན་པར་བྱས་པ་དང་། རིམ་གྲོར་བྱས་པ་དང་། མཆོད་པ་བྱས་པ་དེ་ཇི་སྙམ་དུ་སེམས།། འཇམ་དཔལ་དགེ་བའི་རྩ་བ
415b6 དེ་ལ་མཐའ་འམ། མུ་ཡོད་དམ། དགེ་བའི་རྩ་བ་དེ་དཔག་པར་ནུས་སམ། འཇམ་དཔལ་གྱིས་གསོལ་པ། བཅོམ་ལྡན་འདས་མ་ལགས་སོ།། བདེ་བར
415b7 གཤེགས་པ་མ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་གང་གིས་སྨིག་མ་ལྔའི་དུས་ན། ཆོས་ཀྱི་རྣམས་གྲངས་འདི་འཇིག་རྟེན་གྱི་ཁམས་མི་མཇེད
iiif viewer powered by OpenSeadragon
