| e-texts navigator |
| Wylie |
414b1 ། འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཕྱོགས་བཅུའི་སངས་རྒྱས་བཅོམ་ལྡན་འདས་ཀྱི་སངས་རྒྱས་ཀྱི་སྤྱན་ལ་སྣང་བར་འགྱུར་བ་ཇི་སྙེད་པ་དེ་དག་ལ་ཡོངས་སུ་མྱ་ངན་ལས་འདས་ཀྱི
414b2 བར་དུ་གང་ཞིག་གིས་བདེ་བར་སྦྱར་བ་ཐམས་ཅད་ཀྱི་བསྙེན་བཀུར་བྱས་ཏེ། ཡོངས་སུ་མྱ་ངན་ལས་འདས་ནས་ཀྱང་རིན་པོ་ཆེ་སྣ་བདུན་གྱི་མཆོད་རྟེན་བྱེད་པ་དེ་བས། གང་ཞིག་ཆོས་ཀྱི་རྣམ་གྲངས་འདི
414b3 ལས་ཐ་ན་ཚིགས་སུ་བཅད་པ་གཅིག་ཙམ་ལུང་འབོག་ན། འདི་ཆེས་བསོད་ནམས་མང་དུ་བསྐྱེད་དོ།། རིགས་ཀྱི་བུ་ཆོས་ཀྱི་རྣམ་གྲངས་འདི་འཆད་པ་ན། གང་ཞིག་དང་བའི་སེམས་ཀྱིས་ལེགས་སོ
414b4 ཞེས་བྱ་བ་སྦྱིན་པ་དེ་ལ། སངས་རྒྱས་ཐམས་ཅད་ཀྱིས་བསྟོད་པར་འགྱུར་རོ།། གང་གིས་འདི་ལ་རིམ་གྲོ་བྱས་པ་དེས་ང་ལ་རིམ་གྲོ་བྱས་པར་འགྱུར་རོ།། དེ་ནས་བཅོམ་ལྡན་འདས
414b5 ཀྱིས་ཐམས་ཅད་དང་ལྡན་པའི་འཁོར་དེ་ལ་རྣམ་པར་གཟིགས་ནས། འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དག་ང་ནི་བདེན་པར་སྨྲ་བ་སྟེ། ས་ཕྱོགས་གང་ན་ཆོས་ཀྱི་རྣམ་གྲངས་འདི་གྲགས་པའི་ས
414b6 ཕྱོགས་དེ་ལ། སངས་རྒྱས་ཐམས་ཅད་དགོངས་པར་འགྱུར་རོ།། རིགས་ཀྱི་བུ་དག་ཆོས་ཀྱི་རྣམ་གྲངས་འདི་ནི་འཛམ་བུ་གླིང་པའི་སེམས་ཅན་རྣམས་ཀྱི་སྨན་དུ་གྱུར་པར་འགྱུར་རོ།། གང་གིས་ཆོས་ཀྱི་རྣམ
414b7 གྲངས་འདི་ལན་གསུམ་བརྗོད་དམ། བརྗོད་དུ་བཅུག་ན། དེས་སྟོན་པ་ལ་ཆོས་ཀྱི་འཁོར་ལོ་རབ་ཏུ་བསྐོར་བར་བསྐུལ་བར་འགྱུར་རོ།། རབ་འབྱོར་གང་ཞིག་ཆོས་ཀྱི་རྣམ་གྲངས་འདི་ཡི་གེར་འདྲི་འམ། ཡི་གེར་འདྲིར
iiif viewer powered by OpenSeadragon
