| e-texts navigator |
| Wylie |
407b1 རྟག་ལ། ལ་ལ་རྟག་པར་འགྱུར་རོ།། དེའི་ཚེ་དེ་བཞིན་གཤེགས་པ་བདེན་པར་སྨྲ་བར་མི་འགྱུར་རོ།། དྲང་སྲོང་ཆེན་པོ་གང་གི་ཕྱིར་འདི་ཐམས་ཅད་རྟག་པ་མ་ཡིན། བརྟན་པ་མ་ཡིན། དབུགས
407b2 ཕྱིན་པ་མ་ཡིན་པ་དེའི་ཚེ། དེ་བཞིན་གཤེགས་པ་ཐམས་ཅད་མཁྱེན་པ་ཞེས་བྱ་བ་དེའི་མིང་ཐོབ་བོ།། དྲང་སྲོང་ཆེན་པོས་བྲམ་ཟེའི་ཁྱེའུ་ལ་སྨྲས་པ། འདི་ཐམས་ཅད་མཁྱེན་པར་མཚན་གསོལ་པ།
407b3 ནི་འཐུན་ནོ།། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་གལ་ཏེ་བསྐལ་པས་བསྲེགས་པར་མ་གྱུར་ན། འདི་ནི་དུས་བཟང་པོའི། འདི་ནི་དུས་ངན་པའོ་ཞེས
407b4 བྱ་བར་དུས་ཐ་དད་པ་མེད་པར་འགྱུར་རོ། ། ཟང་སྲོང་ཆེན་པོ་གལ་ཏེ་ཡང་བསྐལ་པས་བསྲེགས་པར་མ་གྱུར་ན། ལེགས་པར་བྱས་པ་དང་། ཉེས་པར་བྱས་པའི་ལས
407b5 རྣམས་ཀྱི་རྣམ་པར་སྨིན་པ་ཐ་དད་པ་མེད་པར་འགྱུར་རོ། ། དྲང་སྲོང་ཆེན་པོ་ཡང་འདི་ལྟ་སྟེ། བསྐལ་པས་བསྲེགས་པ་དེ་ནི་དེ་བཞིན་གཤེགས་ལ་རྣམས་ཀྱི་ཐབས་མཁས་པ་སྟེ།།
407b6 དྲང་སྲོང་ཆེན་པོ་སེམས་ཅན་ཇི་སྙེད་བསྐལ་པས་བསྲེགས་པར་འགྱུར་བ་ཐོས་ནས་དད་པར་འགྱུར་བའི་སེམས་ཅན་དེ་སྙེད་དེ་བཞིན་གཤེགས་པས་བསྡུ་བའི་དངོས་པོས་སྡུད་པར་འགྱུར་རོ།། དྲང་སྲོང
407b7 ཆེན་པོ་འདི་ལྟ་སྟེ། དཔེར་ན། འཆུ་བ་ལྡག་པའི་སྦྲུལ་ནི་མོག་གིས་ཀྱང་རྔུབ། རྣ་བ་དང་སྣ་དང་། ཁའི་སྒོ་ནས་ཀྱང་རྔུབ་བོ།། དྲང་སྲོང་ཆེན་པོ་དེ་བཞིན་གཤེགས་པ་ལ་ཡང་དེ་ལྟར་ལྟ་སྟེ།
iiif viewer powered by OpenSeadragon
