| e-texts navigator |
| Wylie |
406b1 མི་རིགས་སོ། ། དྲང་སྲོང་ཆེན་པོ་གང་རང་གི་ལུས་ཀྱི་གཙོ་བོ་མ་ཡིན་པ་ཇི་ལྟར་དབང་སྒྱུར་དུ་འགྱུར། དྲང་སྲོང་ཆེན་པོ་འདི་ལྟ་སྟེ་དཔེར་ན་སྲིན་པོ་མེ་ཁྱེར་འདི་སྙམ་དུ་བདག་གིས་འཛམ་བུའི་གླིང་སྣང་བར་བྱའོ་སྙམ་དུ
406b2 སེམས་དཔའི་རྐྱེན་གྱིས་སྲིན་བུ་མེ་ཁྱེར་གྱིས་འཛམ་བུའི་གླིང་སྣང་བར་བྱེད་དམ། སེམས་མ་དུལ་བ་ནི་དབང་སྒྱུར་ཡང་དག་པ་མ་ཡིན་ནོ།། དྲང་སྲོང་ཆེན་པོ་ཡང་གལ་ཏེ་དབང་སྒྱུར་ཉོན་མོངས་པ་འབྲི་བར་གྱུར་ན།
406b3 ནི། ཁྱི་ལ་ཉོན་མོངས་པ་ཤས་ཆེ་བར་འགྱུར་རོ།། གང་གི་ཚེ་དབང་སྒྱུར་དང་ཉོན་མོངས་པ་དག་ཁྱིལ་ཡང་ཡོད་ཅིང་། དབང་སྒྱུར་ལ་ཡང་ཡོད་པ་དེའི་ཚེ། སེམས་ཅན་ལ་འགྲིབ་པ་ཡང་མི་དམིགས་འཕེལ་བ་ཡང་མི
406b4 དམིགས་སོ། ། དྲང་སྲོང་ཆེན་པོས་གསོལ་པ། གོའུ་ཏ་མས་ཉོན་མོངས་པ་འགྲིབ་པར་མཛད་དམ། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་ངས་ཕྱིན་ཅིག་ལོག་དག་བཟློག་པ་གང་ཡང
406b5 མེད། འགྲིབ་པར་བྱས་པ་ཡང་མེད་དོ།། དྲང་སྲོང་ཆེན་པོས་གསོལ་པ། གལ་ཏེ་དེ་ལྟར་ན་ཁྱོད་ཀྱང་དབང་སྒྱུར་མ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་དེ་དེ་བཞིན་ཏེ།
406b6 མ་བྱུང་བའི་ཕྱིར་ང་ཡང་དབང་སྒྱུར་མ་ཡིན་ནོ།། དྲང་སྲོང་ཆེན་པོས་གསོལ་པ། གོའུ་ཏ་མ་བཀའ་མཆིད་འདི་རེ་ཤིག་ཞོག། གོའུ་ཏ་མའི་སྲས་ཀྱིས་ཕ་མ་འགྲོགས་པ་ལས་སེམས་ཅན་སྐྱེའོ་ཞེས་གསུངས་ནས།
406b7 སེམས་ཅན་མང་དུ་འགྲོགས་པ་ལས་སེམས་ཅན་སྐྱེ་བ་ཉུང་བར་གྱུར་པ་འདི་ཇི་ལྟ་བུ། བཅོམ་ལྡན་འདས་ཀྱིས་བཀའ་སྩལ་པ། ཁྱོད་ལ་དཔེ་བསྟན་པར་བྱའོ།། དྲང་སྲོང་ཆེན་པོ་འདི་ལྟ་སྟེ་དཔེར་ན། ས་བོན་གཅིག་ལས
iiif viewer powered by OpenSeadragon
