| e-texts navigator |
| Wylie |
406a1 ཆེན་པོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། ། དྲང་སྲོང་ཆེན་པོ་གང་ང་ལ་སེམས་ཅན་གྱི་སྐྱེ་བ་གང་ནས་བྱུང་ཞེས་སྨྲས་པ་དེ་ནི། ཡི་གེས་བརྗོད་པ་མ
406a2 ཡིན་པའོ། ། སེམས་ཅན་ཞེས་བྱ་བ་ནི་མ་རིག་པའི་རྐྱེན་ལས་སྐྱེ་བ་དང་། རྒ་ཤའི་བར་དུ་བྱུང་བའོ།། དྲང་སྲོང་ཆེན་པོ་ཡང་རྒྱུ་རྐྱེན་ལས་སེམས་ཅན་སྐྱེ་སྟེ། རྒྱུ་རྐྱེན་ནི་ཕ་མའོ།། དྲང་སྲོང་ཆེན་པོ་ཡང་ཕ
406a3 མ་འགྲོགས་པ་ནི་དེའི་རྒྱུའོ། ། གང་གི་ཚེ་ཡོངས་སུ་རྟོག་པས་ཀུན་ནས་བསླད་པའི་ལས་ཀྱི་རླུང་རྣམས་ཀྱིས་བུད་མེད་ཀྱི་འགྲོང་དུ་འཇུག་པ་དེ་ནི་དེའི་རྐྱེན་ཏོ།། དྲང་སྲོང་ཆེན་པོ་ཡང་སྡུག་བསྔལ་འཕགས་པའི
406a4 བདེན་པ་དང་། སྡུག་བསྔལ་ཀུན་འབྱུང་བ་དང་། སྡུག་བསྔལ་འགོག་པ་དང་། སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ནི་སེམས་ཅན་ནོ།། ཉེ་བར་ལེན་པའི་ཕུང་པོ་ལྔ་དང་། ཁམས
406a5 བཅོ་བརྒྱད་ནི་སེམས་ཅན་ནོ། ། ཟང་སྲོང་ཆེན་པོ་སེམས་ཅན་ཡང་གཞན་ལ་ལས་ཀྱང་གཞན་མ་ཡིན། ལས་ཀྱང་གཞན་ལ་སེམས་ཅན་ཡང་གཞན་མ་ཡིན་ནོ།། དྲང་སྲོང་ཆེན་པོ་སེམས་ཅན་ནི་འགྲིབ
406a6 པ་མ་ཡིན། འཕེལ་བ་མ་ཡིན་ནོ།། ཟང་སྲོང་ཆེན་པོས་གསོལ་པ། ཀྱེ་གོའུ་ཏ་མ་གལ་ཏེ་སེམས་ཅན་ལ་འགྲིབ་པ་མ་མཆིས། འཕེལ་བ་མ་མཆིས་ན། ཅིའི་སླད་དུ་སེམས་ཅན་ཁྱིའི་སྐྱེ་གནས་ནས་ཤི
406a7 འཕོས་ཏེ་དབང་སྒྱུར་དུ་འགྱུར། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་ཆེན་པོ་དེ་ནི་ཇི་སྐད་སྨྲས་པ་དེ་བཞིན་དུ་མ་ཡིན་ནོ།། གལ་ཏེ་དབང་སྒྱུར་དབང་སྒྱུར་ཡིན་དུ་ཟིན་ན་ནི། དབང་མེད་པར་འཆི་བའི
iiif viewer powered by OpenSeadragon
