| e-texts navigator |
| Wylie |
401b1 བའི་སེམས་སྐྱེས་སོ། ། ལག་ན་རྡོ་རྗེ་མཐོང་ནས་རབ་ཏུ་འཇིགས་ཤིང་སྐྲག་སྟེ། བལ་མོ་སྦྱར་ནས་བསྟི་སྟང་དུ་བཅས་ཏེ། སངས་རྒྱས་ལ་ཕྲག་འཚལ་ཏོ།། སྲིན་མོང་ཡང་དེ་བཞིན་གཤེགས་པ་ལ་ཕྱག་འཚལ
401b2 ཏོ། ། དེའི་ཚེ་ལྷའི་བུ་རྣམས་ཀྱིས་མེ་ཏོག་མནྡ་ར་བ་དང་། མནྡ་ར་བ་ཆེན་པོ་དང་། མན་འཛུ་ཤ་ཀ་དང་། མན་འཛུ་ཤ་ཀ་ཆེན་པོ་ཆར་བཞིན་དུ་ཕབ་སྟེ། མཆོད་པ་བྱས་ནས་ལྷའི་རྔ་ཡང་རང་རྡུང་ཞིང་། ལྷ་རྣམས་ཐལ་མོ་སྦྱར
401b3 ནས་སྟེང་གི་ནམ་མཁའ་ལ་སྡོད་དོ། ། དེའི་ཚེ་རྒྱལ་པོ་དེ་འཁོར་ལྔ་སྟོང་དང་བཅས་ཏེ། བདུག་སྤོས་སྣ་ཚོགས་བསྲེགས་ནས་སྤྱི་བོས་སངས་རྒྱས་ཀྱི་ཞབས་ལ་ཕྱག་འཚལ་ཏེ་གདན་ལ་བཞུགས་པར་གསོལ་ཏོ།། དེའི
401b4 ཚེ་ཀླུའི་རྒྱལ་པོས་ཀྱང་རྒྱ་མཚོའི་ནང་ནས་རིན་པོ་ཆེ་སྣ་བདུན་གྱི་ཁྲི་བྱུང་སྟེ། སངས་རྒྱས་ལ་ལག་གིས་དར་ཏེ། ཕུལ་ནས་ཀྱང་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གི་མགོན་དང་སྐྱབས་མཛད་ཅིང
401b5 ལག་ན་རྡོ་རྗེ་འདི་དག་གི་ལུས་ལ་མི་གཙེ་བར་མཛད་པར་ཅི་གནང་ཞེས་གསོལ་ཏོ། ། དེའི་ཚེ་དེ་བཞིན་གཤེགས་པས་ཚངས་པའི་དབྱངས་ཀྱི་སེམས་བུ་ལ་སྨྲས་པ་བཞིན་དུ་ཀླུའི་རྒྱལ་པོ་ལ་སློབ་བསྐྱེད་དོ།། ཀླུའི་རྒྱལ
401b6 པོ་དང་སྲིན་མོ་ཡང་ཆོས་ཀྱི་རྒྱལ་པོར་བཏུལ་ཏོ། ། དེའི་ཚེ་རྒྱལ་པོས་ཁྲི་མཐོན་པོ་བཙུགས་ཏེ། གདན་རབ་ཏུ་འཇམ་པོ་བཏིང་ནས་རས་དཀར་པོའི་ཡོལ་བས་བསྐོར་ཅིང་། མུ་ཏིག་གི་དྲ་བས་བླ་རེར་བྲེས་ནས། བཅོམ་ལྡན
401b7 འདས་གདན་དེ་ལ་བཞུགས་པར་གསོལ་ཏོ། ། དེའི་ཚེ་བཅོམ་ལྡན་འདས་ཞབས་བཏེ་གནས་གཤེགས་པ་ན། རི་དགས་ཀྱི་རྒྱལ་པོའིབྱིན་པ་ལྟ་བུའི་ཞབས་ཀྱི་བྱིན་པ་ལས། འོད་ཁ་དོག་རྣམ་པ་ལྔ་དང་ལྡན་པ་བྱུང་སྟེ།
iiif viewer powered by OpenSeadragon
