| e-texts navigator |
| Wylie |
401a1 སུ་གང་བར་མཐོང་ངོ་། ། ཕ་མ་ལ་འདི་སྐད་ཅེས་སྨྲས་སོ།། འདི་ལྟར་མེ་དང་གདུག་པས། སངས་རྒྱས་གཅིག་ལ་གནོད་པར་བྱ་བར་ཆས་ན། ད་ལྟར་བར་སྣང་ལ་སངས་རྒྱས་གྲངས
401a2 མེད་པ་ཞིག་བཞུགས་ན་ཞེས་སྨྲས་སོ། ། དེ་ནས་ཀླུ་གདུག་པ་ཅན་གདུག་པའི་སེམས་ལྷག་པར་ཡང་སྐྱེས་ཏེ་བུ་ལ་སྐྱོ་བ་བྱས་ནས། ད་ལྟར་སངས་རྒྱས་གཅིག་ལས་མེད་ན་མང་པོ་ག
401a3 ཡོད་ཅེས་སྨྲས་སོ། ། དེའི་ཚེ་བཅོམ་ལྡན་འདས་ཀྱིས་ལག་ན་རྡོ་རྗེས་རྡོ་རྗེ་ཐོགས་པ་གྲངས་མེད་པའི་ལུས་སྤྲུལ་ནས། རྡོ་རྗེ་མགོ་ལ་མེ་མགལ་བསྐོར་བ་བཞིན་དུ་མེ་འབར་ཏེ། མེའི་འཁོར་ལོ་འདབ་ཆགས
401a4 སུ་སྟེང་གི་ནམ་མཁའ་ལས་བབས་ནས་མེ་རབ་ཏུ་འབར་བ་ལྕགས་ཁུ་དང་འདྲ་བས་ཀླུ་མ་རུང་བའི་ལུས་བསྲེགས་སོ། ། ཀླུའི་རྒྱལ་པོ་དེ་འཇིགས་ཤིང་སྐྲག་ཏེ། འབྲོས་ཁུང་མེད་ནས་སངས་རྒྱས་ཀྱི་གྲིབ
401a5 མའི་ནང་དུ་ཞུགས་སོ། ། སངས་རྒྱས་ཀྱི་གྲིབ་མ་རབ་ཏུ་བསིལ་བས་ཟིལ་དངར་གྱི་ཆུས་ཕོག་པ་བཞིན་དུ། ཀླུའི་ཚ་བཞི་པར་གྱུར་ནས་ནམ་མཁའ་ལ་ལྟོས་ན་སྟེང་གི་བར་སྣང་ལ་སངས་རྒྱས་ཀྱིས་ཡོངས
401a6 སུ་གང་བར་མཐོང་ངོ་། ། སྤྲུལ་པའི་སངས་རྒྱས་དེ་དག་ཀྱང་སོ་སོ་ནས་འོད་ཟེར་གྲངས་མེད་པ་སྟོང་སྟེ། འོད་གཅིག་གི་ནང་ན་ཡང་སྤྲུལ་པའི་སངས་རྒྱས་ཚད་མེད་པ་དག་བཞུགས་སོ།། སྤྲུལ་པའི་སངས་རྒྱས
401a7 དེ་དག་ཀྱང་སོ་སོ་ནས། འོད་གྲངས་མེད་པ་བརྒྱ་སྟོང་སྙེད་གཏོང་ངོ་།། འོད་དག་གི་ནང་ན་ཡང་ལག་ན་རྡོ་རྗེས་རྡོ་རྗེ་གསོར་བས་ཡོངས་སུ་གང་བར་མཐོང་ངོ་།། ཀླུ་རྣམས་ཀྱིས་སངས་རྒྱས་མཐོང་ནས་རབ་ཏུ་དགའ
iiif viewer powered by OpenSeadragon
