| e-texts navigator |
| Wylie |
400b1 འདས་གོམ་པས་གཤེགས་པ་ན་རྒྱལ་ཆེན་རིས་བཞིའི་རྒྱལ་པོ་དང་། བརྒྱ་བྱིན་ལྷའི་དབང་པོ་དང་། གཞན་ཡང་ལྷའི་བུ་གྲངས་མེད་པ་དང་། ལྷའི་བུ་མོ་བརྒྱ་སྟོང་སྙེད་ཀྱིས་བཅོམ་ལྡན་འདས་ལ་ལན
400b2 བདུན་བསྐོར་ཏེ་ཕྱག་འཚལ་ནས་ཞབས་འབྲིང་དུ་ཆས་སོ། ། དེའི་ཚེ་བཅོམ་ལྡན་འདས་ཀྱིས་མགུར་ནས་གསེར་གྱི་ཁ་དོག་ལྟ་བུའི་འོད་ཟེར་བཏང་ནས། འོད་ཟེར་དེ་ལས་སྤྲུལ་པའི་སངས་རྒྱས་ཁྲི
400b3 ཕྲག་བརྒྱ་སྟོང་སྤྲུལ་ཏོ། ། སྤྲུལ་པའི་སངས་རྒྱས་དེ་དག་ཀྱང་སོ་སོ་ནས་དེ་བཞིན་དུ་མགུར་གྱི་འོད་ཟེར་བཏང་སྟེ། དེ་བཞིན་དུ་སྤྲུལ་པའི་སངས་རྒྱས་ཁྲི་ཕྲག་བརྒྱ་སྟོང་སྤྲུལ་ཏེ། སྤྲུལ་པའི་སངས་རྒྱས
400b4 ཀྱིས་འདབ་ཆགས་སུ་ནམ་མཁའི་ཁམས་ཡོངས་སུ་བཀང་སྟེ། ངང་པའི་རྒྱལ་པོ་ལྡིངས་པ་བཞིན་དུ་ཡུལ་དེར་གཤེགས་སོ།། ཡུལ་དེར་གཤེགས་ནས། རྒྱལ་པོས་སངས་རྒྱས་བསུས་ཏེ
400b5 སངས་རྒྱས་ལ་ཕྱག་འཚལ་ལོ། ། དེའི་ཀླུའི་རྒྱལ་པོ་བཅོམ་ལྡན་འདས་འཁོར་དང་བཅས་ཏེ་གཤེགས་པ་མཐོང་ནས། ཀླུ་ཆེན་པོ་བཅུ་དྲུག་གིས་ནམ་མཁའ་ལ་སྤྲིན་ཆེན་པོ་བསྐྱེད་ནས་འབྲུག་སྒྲ་ཆེན
400b6 པོ་བསྒྲགས་ཏེ། སེར་བ་ཕབབོ།། མི་གནས་ཀྱང་ཀློག་དང་མེ་འབྱིན་ཅིང་། ཁ་ནས་ཀྱང་མེ་བྱུང་སྟེ། སྐུར་མོ་དང་། ལུས་ཀྱིབ་སྤུའི་ཁུང་བུ་ཀུན་ནས་དུད་པ་འཕྲུལ་ཞི་མེ་རབ་ཏུ་འབར་རོ།། སྲིན་མོ་ལྔ་ཡང་མི
400b7 སྡུག་པའི་གཟུགས་བསྟན་མིག་གློག་དང་འདྲ་བར་འབར་བཞིན་དུ་དེ་བཞིན་གཤེགས་པའི་སྤྱན་སྔར་འགྲེང་ངོ་། ། དེའི་ཚེ་ཀླུའི་བུ་ཞིག་གིས་བལྟས་ནས། སྟེང་གི་ནམ་མཁའ་ལ་སྤྲུལ་པའི་སངས་རྒྱས་ཡོངས
iiif viewer powered by OpenSeadragon
