| e-texts navigator |
| Wylie |
399b1 མེད་ཁང་དུ་ཕྱིན་ཏེ། བཻ་ཌཱུཪྻ་དཀར་པོའི་སྤྲིན་དུ་གྱུར་ནས། དེ་བཞིན་གཤེགས་པ་ལ་ལན་བདུན་བསྐོར་ཏེ། གསེར་གྱི་གདུགས་སུ་གྱུར་ཏོ།། གདུགས་ཀྱི་དྲིལ་བུ་ལས་འདི་སྐད་ཀྱི་སྒྲ་སྙན་པས། སངས་རྒྱས
399b2 སྤྱན་འདྲེན་པ་དང་། དགེ་སློང་གི་དགེ་འདུན་ཡང་གཤེགས་པར་གསོལ་བའི་སྒྲ་སྐད་བྱུང་བར་གྱུར་ཏོ།། དེ་ཚེ་དེ་བཞིན་གཤེགས་པ་ཐམས་ཅད་མཁྱེན་པའི་ཡེ་ཤེས་ཀྱིས་གཟིགས་ནས། དགེ་སློང་གི་དགེ
399b3 འདུན་རྣམས་ལས་མངོན་པར་ཤེ་བ་དྲུག་པོ་ཐོབ་པ་དག་ཞབས་འབྲིང་དུ་ཆོས་ཤིག། ན་ག་ཧ་ལའི་རྒྱལ་པོ་ཕུར་པ་ཕུད་དེ་འབོད་པའི་ཡུལ་དེར་འདོང་ཞེས་བཀའ་སྩལ་ནས། འོད་བསྲུངས་ཆེན་པོ་འཁོར་ལྔ།
399b4 བརྒྱ་དང་བཅས་ཏེ། བཻ་ཌཱུཪྻའི་རི་སྤྲུལ་ནས། རི་དེ་ལ་འབབ་ཆུ་དང་ཆུ་མིག་དང་། ཁྲུས་ཀྱི་རྫིང་བུ་དང་། རིན་པོ་ཆེ་སྣ་བདུན་གྱི་ཤིང་དང་། ཤིང་གི་འོག་ན་གསེར་གྱི་ཁྲི་བརྡུགས་པ་ལ་དངུལ་གྱི་འོད་འབར་ཏེ།
399b5 འོད་ལས་ཕུག་ཏུ་གྱུར་པའི་ནང་ན། འོད་སྲུང་ཆེན་པོ་དེ་ན་རྟག་ཏུ་མི་ཉལ་བར་འདུག་གོ། སློབ་མ་རྣམས་ཀྱང་སྦྱངས་པའི་ཡོན་ཏན་བཅུ་གཉིས་ལ་གནས་སོ།། རི་དེ་སྤྲིན་མགྱོགས་པ་འམ། རླུང་དྲག་པོ་ལྟར་དྲང
399b6 སྲོང་སྙིང་གི་རི་ལ་ཕྱིན་པར་གྱུར་ཏེ། མོའུ་འགལ་ཡན་ཆེན་པོ་ཡང་འཁོར་ལྔ་བརྒྱ་དང་བཅས་སྟེ། ཀླུ་འཁྲིལ་པ་བརྒྱ་སྟོང་སྤྲུལ་ནས། དེ་ལ་འདུག་ཅིང་ཀླུའི་ཁ་ནས་མེ་བྱུང་སྟེ། གསེར་གྱི་ཁང་པ་བརྩེགས་པ་དང་།
399b7 རིན་པོ་ཆེ་སྣ་བདུན་གྱི་ཁྲི་དང་། རིན་པོ་ཆེའི་བླ་རེ་དང་། གདུགས་དང་། རྒྱལ་མཚན་དང་། བ་དན་ཚད་མེད་པར་སྤྲུལ་པའི་ནང་ན་མོའུ་འགལ་ཡ་ན་བཻ་ཌཱུཪྻའི་མི་ལྟ་བུར་ཕྱི་ནང་གསལ་བར་འདུག་པ་དག་དྲང་སྲོང
iiif viewer powered by OpenSeadragon
