| e-texts navigator |
| Wylie |
397b1 ཐལ་མོ་སྦྱར་ནས་དེ་དེ་བཞིན་གཤེགས་པ་ལས་ཁྲིམས་ལྔ་མནོས་སོ། ། ཁྲིམས་ལྔ་མནོས་ནས། མེའི་རི་རྣམས་འདའ་ཆགས་སུ་སྤྲུལ་པའི་སངས་རྒྱས་ཀྱིས་འབྲོག་དགོན་པར་ཡོངས་སུ་གང་ཞིང་། སྤྲུལ་པའི།
397b2 སངས་རྒྱས་གཅིག་ཅིང་། ཞབས་འབྲིང་དགའ་བོ་རེ་རེ་ཡོད་པར་མཐོང་ངོ་།། སྤྲུལ་པའི་སངས་རྒྱས་དེ་དག་སོ་སོ་ནས་གསུང་འཐུན་པར་ཁྲིམས་ལྔ་འཆད་པར་ཐོས་སོ།། འབྲོག་དགོན་པའི་ཡི་དགས་ཀྱི་བདག་པོས
397b3 ལག་ན་རྡོ་རྗེ་ལ་འདི་སྐད་ཅེས་གསོལ་ཏོ། ། བདག་ཡོན་ཏན་ཅན་ཁྱོད་ཀྱི་ཕྱིར་བདུད་རྩི་དང་འདྲ་བ་བླ་ན་མེད་པའི་ཆོས་ཀྱི་རོ་མྱོང་བར་གྱུར་ཏོ།། དེའི་ཚེ་ལག་ན་རྡོ་རྗེས་རྡོ་རྗེ་དེ་ནམ་མཁའི་དབྱིངས་སུ་བོར་བ་དང་། དེ་བཞིན
397b4 གཤེགས་པའི་བྱིན་གྱིས་བརླབས་ཀྱིས་རྡོ་རྗེ་དེ་གསེར་གྱི་རི་རབ་ལྷུན་པོ་བརྒྱ་ཕྲག་དུ་མ་གྱུར་ཏོ། ། རི་རབ་ལྷུན་པོ་གཅིག་ལ་ཡང་བྲག་ཕུག་ཁྲི་ཞིག་དུ་མ་སྙེད་ཡོད།། བྲག་ཕུག་རེ་རེའི་ནང་ན་ཡང་སྤྲུལ་པའི་སངས
397b5 རྒྱས་ཁྲི་ཕྲག་དུ་མ་འཆག་ཅིང་གཤེགས་སོ། ། སྤྲུལ་པའི་སངས་རྒྱས་དེ་དག་ཞབས་འདེགས་མ་འཇོག་པ་ན་ཞབས་ཀྱི་འོག་ན་རིན་པོ་ཆེ་སྣ་བདུན་གྱི་ཁང་པ་བརྩེགས་པ་རང་བྱུང་ངོ་།། ཁང་པ་བརྩེགས
397b6 པ་དེ་དག་རེ་རེའི་སྟེང་ན་སྤྲུལ་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་སྐྱིལ་མོ་ཀྲུང་བཅས་ནས་བཞུགས་པར་མཐོང་ངོ་། ། བཅོམ་ལྡན་འདས་ཀྱིས་རྒྱལ་པོ་ཆེན་པོ་ལ་བཀའ་སྩལ་པ། དེ་བཞིན་གཤེགས
397b7 པ་ཡོངས་སུ་མྱ་ངན་ལས་འདས་ནས། སངས་རྒྱས་ཀྱི་ཉེ་གནས་སུ་གྱུར་པ་རྣམས་དེ་བཞིན་གཤེགས་པས་འབྲོག་དགོན་པའི་ཡི་དགས་ཇི་ལྟར་བཏུལ་བའི་དབང་དང་རྫུ་འཕྲུལ་ཤེས་པར་འདོད་པ་དག
iiif viewer powered by OpenSeadragon
