| e-texts navigator |
| Wylie |
395b1 རྒྱ་མཚོ་ཞེས་བྱ་བའི་མདོ། ། ། བམ་པོ་བདུན་པ། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། དེ་ལ་ཇི་ལྟར་ན་དེ་བཞིན་གཤེགས་པ་འབྲོག་དགོན་པའི་ཡི་དགྲ་ཀྱི་བདག
395b2 པོ་ཆེན་པོ་བཏུལ་ཞེ་ན། ངས་མཉན་དུ་ཡོད་པའི་རྒྱལ་བུ་ཛེ་ཏའི་ཚལ་གྱི་གཞལ་མེད་ཁང་ནས་གསེར་གྱི་ཁ་དོག་ལྟ་བུའི་འོད་ཟེར་བཏང་ནས། མཉན་དུ་ཡོད་པའི་གྲོང་ཁྱེར་གསེར་གྱི་ཁ་དོག་ལྟ་བུར་སྣང་བར་གྱུར་ཏོ།།
395b3 ཡུལ་མཉན་དུ་ཡོད་པ་ན་ཁྱིམ་བདག་ནོར་དཔལ་ཞེས་བྱ་བ་ཞིག་ཡོད་དོ།། ཁྱིམ་བདག་དེ་ལ་བུ་ལོ་གསུམ་ལོན་པ་ཞིག་ཡོད་པ་ལས། ཁྱིམ་བདག་གིས་བུ་དེ་ལ་སྐྱབས་སུ་འགྲོ་བ་གསུམ་བསྟན་ཏོ།། དེའི་ཚེ་འབྲོག་དགོན
395b4 པའི་ཡི་དགས་ཀྱི་བདག་པོ་བཀྲེས་སྐོམ་པས་གདུང་ནས། མཉན་དུ་ཡོད་པའི་གྲོང་ཁྱེར་དུ་སོང་ནས། བྱིས་པ་ཆུང་ངུ་དེ་བཟུང་ངོ་།། དེའི་ཚེ་ཁྱིམ་བདག་གི་བུ་དེས་སངས་རྒྱས་ལ་ཕྱག་འཚལ་ལོ་ཞེས་སྨྲས་སོ།། དེ་སྐད
395b5 ཅེས་བརྗོད་པས་ཡི་དྭགས་ཀྱི་བདག་པོ་ཁ་འཐམས་ནས་ཟ་ནི་མ་ནུས་ཏེ། མིག་ནས་མེ་ཕྱུང་སྟེ་ཁྱེའུ་དེ་ལ་བསྡིགས་སོ།། ཡི་དག་ཀྱི་ལུས་མི་སྡུག་པ་ནི་སྙིང་ཀ་ན་ངོ་གསུམ་ཡོད་པ། ལྟེབ་ན་ངོ་གཉིས་ཡོད་པ། པུས
395b6 མོ་གཉིས་ན་ཡང་ངོ་རེ་རེ་ཡོད་པ་ལས་བ་གླང་གི་མགོ་ལྟ་བྲ་ལ་མཆེ་བགྱེན་ཏུ་བགྲེང་བ། མིག་ནས་མེ་རབ་ཏུ་བར་བ་དེ་ལ་ཁྱེའུ་དེས་མཐོང་ནས། ཁྱེའུ་དེ་སྐྲག་སྟེ། སངས་རྒྱས་ལ་ཕྱག་འཚལ་ལོ།། ཆོས་ལ་ཕྱག་འཚལ
395b7 ལོ། ། དགེ་འདུན་ལ་ཕྱག་འཚལ་ལོ།། ཞེས་སྨྲས་སོ།། དེའི་ཚེ་བཅོམ་ལྡན་འདས་ཀྱི་འཕྲུལ་གྱི་སྙན་གྱིས་ཁྱེའུ་དེས་སྨྲས་པ། རྒྱང་མ་ནས་གསན་ནས། ཞབས་འབྲིང་དུ་དགའ་བོ་དག་ཁྲིད་དེ། ནམ་མཁའ་ལ་གོམ་པས
iiif viewer powered by OpenSeadragon
