| e-texts navigator |
| Wylie |
394b1 རིན་པོ་ཆེའི་ཐེམ་སྐས་ལ་ཞབས་ཀྱིས་གཤེགས་པ་ལས། སངས་རྒྱས་ཀྱི་འོད་ཟེར་གྱི་ནང་ནས་སངས་རྒྱས་བདུན་བདུན་གཤེགས་པར་ལྷའི་བུ་དང་བུ་མོ་རྣམས་ཀྱི་ཀྱང་མབོང་ངོ་།། དེའི་ཚེ་རྒྱལ་པོ་ཨེའུ་ཐེན
394b2 བཅོམ་ལྡན་འདས་ལ་རྗེས་སུ་དྲན་ཞིང་ཆགས་པས། གསེར་གྱི་སྐུ་གཟུགས་ཤིག་བྱས་ཏེ། དེ་ལ་ཕྱག་འཚལ་ཏོ།། དེ་ནས་བཅོམ་ལྡན་འདས་སུམ་ཅུ་རྩ་གསུམ་གནམ་ནས། སླར་འཛམ
394b3 བུ་གླིང་དུ་གཤེགས་ཞེས་པ་ཐོས་ནས་རབ་ཏུ་དགའ་སྟེ། གསེར་གྱི་སྐུ་གཟུགས་ཀྱང་བ་གླང་གི་སྟེང་དུ་བཞག་སྟེ། བཅོམ་ལྡན་འདས་ཀྱི་མདུན་ནས་བསུས་སོ།། དེའི་ཚེ་དགེ་སློང་མ་པདྨོའི་མདོག་ཅེས་བྱ་བས་ཀྱང་།
394b4 བཻ་ཌཱུཪྻའི་རི་ཞིག་སྤྲུལ་ཏེ། རི་དེའི་ཕུག་ན་སྐྱིལ་མོ་ཀྲུང་དུ་འདུག་ནས་ཡོ་བྱད་ཚད་མེད་པ་མང་པོ་དང་ཆས་ཏེ། བཅོམ་ལྡན་འདས་ཀྱི་མདུན་ནས་བསུ་བར་ཆས་སོ།། དེའི་ཚེ་གསེར་ལས་བྱས་པའི་སྐུ་གཟུགས་དེ་ཡང
394b5 བ་གླང་ལས་བབས་ཏེ། སངས་རྒྱས་དང་འདྲ་བར་ནམ་མཁའ་ལ་ཞབས་ཀྱིས་གཤེགས་ཏེ། ཞབས་ཀྱི་མཐིལ་གྱི་འཁོར་ལོ་ལས་མེ་ཏོག་ཆར་བཞིན་དུ་ཕབ་ཅིང་འོད་ཟེར་བཏང་ནས་བཅོམ་ལྡན་འདས་ཀྱི་མདུན
394b6 ནས་བསུས་སོ། ། དེ་ནས་བཅོམ་ལྡན་འདས་དེ་ཉིད་དུ་གཤེགས་པ་དང་། གསེར་གྱི་སྐུ་གཟུག་དེས་ཐལ་མོ་སྦྱར་ཏེ་བཅོམ་ལྡན་འདས་ལ་ཕྱག་འཚལ་ལོ།། དེའི་ཚེ་བཅོམ་ལྡན་འདས་ཀྱིས་ཀྱང་སྐུ་གཟུགས་ཀྱི་ཕྱོག།
394b7 སུ་ཐལ་མོ་སྦྱར་ནས་དབུ་བཏུད་དོ།། དེའི་ཚེ་ནམ་མཁའ་ལས་སྤྲུལ་པའི་སངས་རྒྱས་སྟོང་སྙེད་ཀྱིས་ཀྱང་སྐུ་གཟུགས་ག་ལ་བའི་ལོགས་སུ་ཐལ་མོ་སྦྱར་ནས། པུས་མོ་བཙུགས་སོ།། དེའི་ཚེ་བཅོམ་ལྡན་འདས
iiif viewer powered by OpenSeadragon
