| e-texts navigator |
| Wylie |
392a1 འཁོར་བྱང་ཆུབ་སེམས་དཔའ་ཡང་ལྔ་བརྒྱ་སྙེད་ཡོད་དོ། ། དེའི་ཚེ་སྐུ་ལས་འཕྲོས་པའི་སངས་རྒྱས་ལྔ་བརྒྱ་རྣམས་དང་། སངས་རྒྱས་ཤཱཀྱ་ཐུག་པར་བཅས་ཏེ། སུམ་ཅུ་རྩ་གསུམ་གནས
392a2 གྱི་གཞལ་མེད་ཁང་དུ་གཤེགས་པ་ན། ལྷ་རྣམས་རབ་ཏུ་དགའ་སྟེ། ཚིགས་སུ་བཅད་པ་འདི་སྐད་སྨྲས་སོ།། སངས་རྒྱས་རྣམ་པར་གཟིགས།། བཀྲ་ཤིས་དམ་པའི་མཆོག། འོད་ཟེར་རབ་བཏང་ནས།
392a3 གནས་འདིར་གཤེགས་པར་གྱུར།། བདེ་གཤེགས་གཙུག་ཏོར་ཅན། བཀྲ་ཤིས་དམ་པའི་མཆོག། གྲངས་མེད་སྐུ་སྤྲུལ་ནས།། གནས་འདིར་གཤེགས་པར་གྱུར།། སངས་རྒྱས་ཐམས་ཅད་སྐྱོབ།།
392a4 སྨིན་མཚམས་འོད་བཀྱེ་ནས།། ཀུན་ཏུ་སྣང་གྱུར་ཏེ།། གནས་འདིར་གཤེགས་པར་གྱུར།། བདེ་གཤེགས་ལོག་དང་སལ།། ཞལ་ནས་འོད་བཀྱེ་སྟེ།། ཕྱོགས་བཅུར་སྣང་བྱས་ནས།། གནས་འདིར་གཤེགས
392a5 པར་གྱུར། ། སངས་རྒྱས་གསེར་ཐུབ་ཀྱང་།། གྲངས་མེད་སྐུ་སྤྲུལ་ཏེ།། ཚད་མེད་འོད་བཀྱེ་ནས།། གནས་འདིར་གཤེགས་པར་གྱུར།། བདེ་གཤེགས་འོད་སྲུངས་དེ།། རིན་ཆེན་ཁང་བརྩེགས་ནས།། མཁའ
392a6 ལས་ཆོ་འཕྲུལ་སྟོན། ། གནས་འདིར་གཤེགས་པར་གྱུར།། སངས་རྒྱས་ཤཱཀྱ་ཡང་།། ལྔ་བརྒྱའི་སྐུར་སྤྲོས་ཏེ།། སྤྲུལ་པ་གྲངས་མེད་དང་།། འོད་བཀྱེ་གནས་འདིར་གཤེགས།། བྱམས་པ་བྱང་ཆུབ་དང་།།
392a7 བསྐལ་པ་བཟང་པོའི་གཙོ།། ཀུན་གྱིས་འོད་བཏང་ནས།། གནས་འདིར་གཤེགས་པར་གྱུར།། བཀྲ་ཤིས་དཔལ་གྱི་གནས།། དགའ་སྦྱིན་འདུས་མ་བྱས། བཅོམ་ལྡན་གཤེགས་པའི་ས།། ཐུབ་པ་སྐུ
iiif viewer powered by OpenSeadragon
