| e-texts navigator |
| Wylie |
390b1 པ་བདུན་བདུན་ནོ། ། མུ་རན་དེ་དག་ཀྱང་རིན་པོ་ཆེ་རྣམ་པ་ཁྲི་ཕྲག་བརྒྱ་ལས་བྱས་ཏེ། འོད་ཟེར་ཡང་ཁྲི་ཕྲག་བརྒྱ་ཡོད་དོ།། འོད་ཟེར་དེ་རེ་རེ་ལ་ཁང་རིན་པོ་ཆེའི་མེ་ཏོག་ཁྲི་ཟེག་བརྒྱ་སྙེད་ཡོད་དོ།། མེ་ཏོག་པདྨོ་དེ་རེ་རེའི་རང་ན་ཡང
390b2 རོལ་མོའི་ཆ་བྱད་ཚད་མེད་པ་སྙེད་རང་བྱུང་ངོ་། ། དེའི་ཚེ་བྱང་ཆུབ་སེམས་དཔའ་ས་འཛིན་གྱི་སེ་གདྷཱའི་ཀླུང་གི་བྱེ་མ་སྙེད་ཀྱི་རིན་པོ་ཆེ་སྣ་བདུན་གྱི་པདྨོས་སངས་རྒྱས་གཤེགས་པའི་སྐས་ལ་བཀོད་དོ།། སྐས་ཀྱི་མུ་གཡས་ག་ཡ་མན། རིན
390b3 པོ་ཆེའི་རྒྱལ་མཚན་རྣམ་པ་སྣ་ཚོགས་བགྲེང་ནས་རིན་པོ་ཆེའི་བ་དན་ཚད་མེད་པ་སྙེད་དཔྱད་སོ། ། རིན་པོ་ཆེའི་གདུགས་དང་བླ་རེ་ཁྲི་ཕྲག་སྙེད་ནི་བླ་རེར་ཟེས་སོ།། སུམ་ཅུ་རྩ་གསུམ་གནམ་གྱི་ལྷ་རྣམས་ཀྱིས་ནི། མེ་ཏོག
390b4 མནྡ་ར་བ་དང་། མནྡ་ར་བ་ཆེན་པོ་དང་། མན་ཛུ་ཤ་ཀ་དང་། མན་ཛུ་ཤ་ཀ་ཆེན་པོ་དང་། ཨུཏྤ་ལ་དང་། ཀུ་མུ་དཱ་ལ་སོགས་པ་ཆར་བཞིན་དུ་ཕབ་ནས། སངས་རྒྱས་གཤེགས་པའི་སྐས་ལ་བཀོད་དེ
390b5 རྒྱལ་པོ་ནི་ལག་ན་འདུག་སྤོས་ཐོགས་ནས། ཚངས་པའི་འཁོར་དང་བཅས་ཏེ་སྐས་ཀྱི་གཡས་གཡོན་ནས་བསྟོད་དོ།། བདུག་སྤོས་ཀྱི་དུད་པ་དག་བཻ་ཌཱུཪྻའི་སྤྲིན་ལྟ་བུར་གྱུར་ནས། སྟེང་གི་ནམ་མཁའ་ལས་མདུ་སྲེས
390b6 ཀྱི་སྤྲིན་དུ་གྱུར་ཏོ། ། སྤྲིན་གྱི་ནང་ནས་རོལ་མོའི་སྒྲ་དབྱངས་བརྒྱ་སྟོང་དུ་མ་སྙེད་སྒྲོགས་སོ།། ཀླུའི་རྒྱལ་པོ་དགའ་བོ་ལ་སོགས་པས་ནི་རྒྱ་མཚོའི་འགྲམ་གྱི་ཙན་དན་ལ་སོགས་པའི་སྤོས་སྣ་ཚོགས་ཀྱི
390b7 སངས་རྒྱས་ལ་འཐོར་རོ། ། སྤོས་ཀྱི་འོད་འཚེར་བ་ནི་གསེར་གྱི་ཁ་དོག་ལྟ་བུར་གྱུར། མཐོ་ཁྱད་ཀྱང་སྲིད་པའི་རྩེ་མོ་ལ་གཏུགས་ཏེ་གསེར་གྱི་ཁང་པ་བརྩེགས་པར་གྱུར་ཏོ།། ཚད་མེད་པའི་ལྷ་རྣམས
iiif viewer powered by OpenSeadragon
