| e-texts navigator |
| Wylie |
389b1 སྟོང་ཉིས་བརྒྱའི་བར་དུ་ཕ་རོལ་གྱི་བྲན་མོར་གྱུར་པ་ཡིན་ནོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ན། བཙུན་མོ་ཕྲེང་ལྡན་མའི་འཁོར་ན་ཟན་མོ་ལྔ་བརྒྱ་ཞིག་ཡོད་པ་རྣམས་ཀྱིས་ཀྱང་ཞེས་པ་འཐོལ་ཞིང
389b2 བཤག་ཏེ། བྱང་ཆུབ་ཏུ་སེམས་བསྐྱེད་ནས། སྐྱེ་བའི་གནས་ཕྱི་མར་སྟོང་པ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཟབ་མོ་ཤེས་ཤིང་རྟོག་པར་གྱུར་ཅིག་ཅེས་སྨོན་ལམ་བཏབ་བོ།། བཅོམ་ལྡན་འདས་ཀྱི
389b3 རྒྱལ་པོ་གསལ་རྒྱལ་ལ་བཀའ་སྩལ་པ། དེའི་ཚེ་དེའི་དུས་ཀྱི་སློབ་དཔོན་ཆེན་པོ་དེ་ནི་ད་ལྟར་གྱི་ང་ཡིན་ནོ།། བར་ཆད་འདྲི་བའི་མཁན་པོ་དེ་ནི་སྒྲ་གཅན་འཛིན་ཡིན་ནོ།། རྒྱལ་བུ་དགེ་སློང་དེ་ནི་རྒན་མོ་འདི་ཡིན་ནོ།། ཉེ་གནས
389b4 སུ་གྱུར་པའི་དགེ་སློང་གི་འཁོར་རྣམས་ནི་ངན་པར་ལྟ་བའི་བུ་མོ་ལྔ་བརྒྱ་བྱང་ཆུབ་ཏུ་སེམས་བསྐྱེད་པ་འདི་རྣམས་ཡིན་ནོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ན། མཉན་དུ་ཡོད་པའི་གྲོང་ཁྱེར་གྱི་དགེ་བསྙེན
389b5 སྟོང་ཟག་ཉི་ཤུས་བྱང་ཆུབ་ཏུ་སེམས་བསྐྱེད་དེ། སངས་རྒྱས་རྗེས་སུ་དྲན་པའི་ཏིང་ངེ་འཛིན་ཐོབ་ནས་ཏིང་ངེ་འཛིན་གྱི་ནང་ནས་སངས་རྒྱས་ཀྱི་ཆོས་བསྟན་པ་ཡང་མཐོང་བ་དང་ཐོས་པར་གྱུར་ཏོ།།
389b6 དེ་ནས་བཅོམ་ལྡན་འདས་ཀྱིས་རྒྱལ་པོ་ཡབ་ལ་བཀའ་སྩལ་པ། ངན་པར་ལྟ་བའི་སྡིག་པ་ཅན་དེ་དག་ཀུན་གྱིས་བཅོམ་ལྡན་འདས་གཤེགས་པ་མཐོང་བ་ཙམ་གྱིས་ཀྱང་ཚད་མེད་པའི་བསོད་ནམས་དེ་ལྟ་བུ་ཐོབ་པར
389b7 གྱུར་ན། སངས་རྒྱས་གཤེགས་པ་འམ། སྐུ་གཟུག་གཤེགས་པ་རྗེས་སུ་དྲན་པར་བྱེད་པ་ལྟ་ཅི་སྨོས།། ཡང་རྒྱལ་པོ་ཨབ་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སངས་རྒྱས་ཀྱི
iiif viewer powered by OpenSeadragon
