| e-texts navigator |
| Wylie |
382a1 སྙོམས་པར་ཞུགས་ཏེ། དགོངས་པ་ལ་མངའ་བསྙེས་པས། ཡང་དག་པར་ན་སྤྲུལ་པ་ཞེས་བྱ་བ་མེད་དོ་ད་ཇི་ལྟ་ཞེ་ན། དེ་བཞིན་གཤེགས་པའི་ཐུགས་ཀྱང་སྟོང་པ
382a2 ཉིད་ཀྱིས་ཞི་བ་ཡིན་ལ། སྟོང་པ་ཉིད་ཀྱིས་ཞི་བའི་རྣམ་པར་གྲོལ་བར་སྣང་བའི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཏིང་ངེ་འཛིན་དེའི་མཐུས་སངས་རྒྱས་བཅོམ་ལྡན
382a3 འདས་ཚད་དང་གྲངས་གཞལ་དུ་མེད་པ་སྙེད་ཀྱི་སྐུ་སྦྲུལ་ལོ། ། གཞལ་དུ་མེད་པའི་སྐུ་ཞེས་བྱ་བ་ནི། ཐམས་ཅད་མཁྱེན་པའི་ཡེ་ཤེས་སོ།། ཐམས་ཅད་མཁྱེན་པའི་ཡེ་ཤེས་ཞེས་བྱ
382a4 བ་ནི། ཆགས་པ་མེད་པའི་ཏིང་འཛིན་ཏོ།། ཆགས་པ་མེད་པའི་ཏིང་ངེ་འཛིན་གྱི་སྒོ་ནས་དེ་བཞིན་གཤེགས་པའི་སྤྱོད་ལམ་སྟོན་ཏེ། གལ་ཏེ་བསོད་སྙོམས་ལ་གཤེགས་སམ། རྒྱུ
382a5 ཞིང་སྤྱོད་པ་འམ། གཤེགས་པའི་སྒོ་གཉིས་ནས་ཀྱང་སེམས་ཅན་ལ་ཕན་པ་དང་བདེ་བའི་དོན་མཛད་དོ།། དེ་ལ་སེམས་ཅན་ལ་ལ་ནི་སངས་རྒྱས་འཇིག་རྟེན་ན་བཞུགས་པའི་ཚེ།། སངས
382a6 རྒྱས་གཤེགས་པའི་ཞབས་ཀྱི་མཐིལ་གྱི་འཁོར་ལོའི་རྩིབས་སྟོང་དང་ལྡན་པའི་མཚན་མཐོང་ན། བསྐལ་པ་སྟོང་སྙེད་ཀྱི་ཁ་ན་མ་ཐོ་བའི་སྒྲིབ་པ་ཀུན་བྱང་བར་འགྱུར་རོ།། སངས་རྒྱས་ཡོངས་སུ
382a7 མྱ་ངན་ལས་འདས་ནས་ཏིང་ངེ་འཛིན་ལ་མཉམ་པར་གཞག་སྟེ། བཅོམ་ལྡན་འདས་གཤེགས་པའི་འདུ་ཤེས་ཡིད་ལ་བྱས་ན་ཡང་བསྐལ་པ་སྟོང་སྙེད་ཀྱི་ཁ་ན་མ་ཐོ་བའི་ལས་ངན་པ་ཀུན་བྱང
iiif viewer powered by OpenSeadragon
