| e-texts navigator |
| Wylie |
381a1 རིག་པ་གསུམ་དང་མངོན་པར་ཤེས་པ་དྲུག་དང་རྣམ་པར་གྲོལ་བ་བརྒྱད་ཐོབ་པར་བྱས་པ་བས། གང་ཞིག་གིས་སངས་རྒྱས་ཀྱི་མཛད་སྤྱོད་ལ་བྱང་ཆུབ་ཏུ་སེམས་བསྐྱེད་དེ།
381a2 སྐད་ཅིག་ཐང་ཅིག་ཙམ་རྗེས་སུ་དྲན་པར་བྱས་པའི་ཆ་ཙམ་མི་ཕོད་དོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ན། ཤཱཀྱའི་བུ་ཁྲི་ཕྲག་སུམ་བཅུ་རྣམས་ཀྱིས་བླ་ན་མེད་པ་ཨ
381a3 དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ཉན་ཐོས་དང་། རང་སངས་རྒྱས་ཀྱི་ལམ་ལ་མི་འཇུག་པར་ཡི་དམ་བཅས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ
381a4 ལྡན་འདས་ཀྱི་སྐུའི་ཡན་ལ་གནས་བ་སྤུའི་བུ་ག་གཅིག་གི་བར་ན་ཡང་ཚད་མ་མཆིས་པའི་སྤྲུལ་པའི་སངས་རྒྱས་དག་སྟོན་གྱི། ནན་ཐོས་རྣམས་ནི་ས་བོན་ཆོག་པ་དང་འཇ་སྟེ། དེ་ལྟ་བུ་དག་མ
381a5 མཆིས་སོ། ། ཚད་མེད་པ་བཞི་པ་རྟག་པའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་འཁོར་མང་པོའི་ནང་ནས་བཞེངས་ཏེ་ནམ་མཁའ་ལ་གོམ་པས་གཤེགས
381a6 སོ། ། དེ་དག་རྒྱལ་པོ་ཡབ་ཀྱིས་མཐོང་བར་གྱུར་པ་དང་། རབ་ཏུ་དགའ་བའི་སེམས་སྐྱེས་ཏེ་སངས་རྒྱས་ཀྱི་ཞབས་འབྲིང་དུ་སོང་ངོ་།། དེ་བཞིན་གཤེགས་པའི་ཞབས་བཏེག་པའི
381a7 ཚེ་ན། ཞབས་ཀྱི་མཐིལ་གྱི་འཁོར་ལོ་རྩིབས་དང་ལྡན་པའི་མཚན་ལས། འཁོར་ལོའི་རྩིབས་ཀྱི་བར་ཀུན་ནས་རིན་པོ་ཆེའི་པདྨོ་རྣམ་པ་སྣ་ཚོགས་ཆར་བཞིན་དུ་འབབ་བོ།། པདྨོ་དེ
iiif viewer powered by OpenSeadragon
